ادامبايەۆتىڭ «تاراز» فيلمى ا ق ش فەستيۆالىندە ەكى بىردەي جۇلدەنى يەلەندى

استانا. قازاقپارات - نۇرتاس ادامبايەۆتىڭ «تاراز» فيلمى ا ق ش- تا وتكەن فەستيۆالدە ەكى بىردەي جۇلدەنى ەنشىلەدى.

بۇل تۋرالى  Stan.kz  حابارلايدى.

نۇرتاس ادامبايەۆتىڭ «تاراز» كينوكارتيناسى ا ق ش- تا وتكەن فەستيۆالدە جۇلدەگە يە بولدى. قۋانىشتى جاڭالىقتى العاشقىلاردىڭ ءبىرى بولىپ نۇرتاس ادامباي ءوزىنىڭ فەيسبۋك پاراقشاسىندا ءبولىستى.

«الاقاي! قۋانىشتى جاڭالىعىم بار. ءبىزدىڭ «تاراز» اتتى جاڭا تۋىندىمىز ا ق ش- تىڭ لوس-اندجەلەس قالاسىندا وتكەن Genre Celebration Film فەستيۆالىندە ەكى باس جۇلدەنى ۇتىپ الدى: «ەڭ جاقسى دراممالىق فيلم»، «ەڭ جاقسى وپەراتورلىق جۇمىس». بۇل مۇنداي كۇردەلى جانرداعى العاشقى تۋىندىم بولعاندىقتان، مەن ءۇشىن ۇلكەن جەڭىسپەن تەڭ. بىزگە سەنىم ارتىپ، جانكۇيەر بولعان جانە وسى تۋىندىنىڭ ومىرگە كەلۋىنە اتسالىسقان جاندارعا العىسىم شەكسىز! «تاراز» ءوزىنىڭ العاشقى سايىسىندا-اق جەڭىسكە جەتىپ وتىر. قاراشا ايىندا ماراپاتتاۋ راسىمىنە بارامىن. العا، قازاقستان!» - دەپ جازادى نۇرتاس ادامباي ءوزىنىڭ الەۋمەتتىك جەلىدەگى پاراقشاسىندا.

اتالعان تۋىندى ەلىمىزدىڭ كينوتەاترلارىندا 6- قازاننان باستاپ كورسەتىلە باستايدى. فيلمنىڭ ءتۇسىرىلىم جۇمىستارى تاراز قالاسىندا وتكەن. كارتينا كريمانالدى اۋداندا تۋىپ-وسكەن جىگىتتىڭ تاعدىرىن باياندايدى. باستى رولدەردە نۇرتاس ادامبايەۆ، گۇلناز جولانوۆا، ەركەبۇلان دايىروۆ، كامشات جولدىبايەۆا سىندى تانىمال جۇلدىزدار وينايدى.