قىتايدا ويىن ويناپ وتىرعان سمارتفونىنان وت شىعىپ جانىپ كەتتى

استانا. قازاقپارات - بۇل قىتاي جەرىندە بولىپ تۇرعان العاشقى جاعداي. وقيعاعا بايلانىستى Samsung Electronics بۇل ەكى وقيعانىڭ بىرەۋىن تەرگەۋگە كىرىسىپ كەتكەندىگىن مالىمدەدى.

ال وسىدان بۇرىن وڭتۇستىك كورەيانىڭ اتاقتى ءونىم ءوندىرۋشىسى قىتاي جەرىنە ساتىلعان Galaxy Note 7  سمارتفوندارى قولدانىس ءۇشىن قاۋىپسىز ەكەندىگىن ايتقان ەدى. ءبىرىنشى وقيعا بارىسىندا تەلەفون قىزىپ كەتىپ، وزدىگىنەن ۆيبراتسيا بەرگەن. ارتىنشا جارىلىس بولىپ، ءورت شىقتى.

ال ەكىنشى وقيعا كەزىندە سمارتفوندا ويىن ويناپ وتىرعان كەزدە ول جانا باستاعان، دەپ جازادى TheSeattleTimes. وسىعان بايلانىستى كومپانيا قىتاي جەرىنە ساتقان 1858 دانا Samsung Galaxy Note 7 سمارتفونىن كەرى قايتارىپ الاتىن بولدى.

سونداي-اق وڭتۇستىك كورەيانىڭ وزىندە باتارەياسى ورتەنگەن وسى سمارتفونداردى جاڭا تەلەفونعا اۋىستىرىپ بەرۋ باستالدى. قازىر Samsung ساتىلعانىنا كوپ ۋاقىت وتە قويماسا دا، اتىشۋلى بولعان Galaxy Note 7 قالتا تەلەفونىن ساتۋدى الەمنىڭ 10 ەلىندە توقتاتتى.

Stan.kz