قازاقستاندا باربي قۋىرشاعىنا تىيىم سالىنۋى مۇمكىن

استانا. قازاقپارات - نارىق «ويىنشىلارى» ەۋروپالىق ستيلدە كيىنگەن Barbie قۋىرشاعىنىڭ ەۆر از ەق-ءنىڭ «ويىنشىقتار قاۋىپسىزدىگى» تەحنيكالىق رەگلامەنتىنە ەنە المايتىنىن ەسكەرتتى.

باربي قۋىرشاعىن «ويىننان شەتتەتەتىن» تالاپتى قازاقستاندىق تاراپ ەنگىزدى.

استانا ەۆر از ەق- ءنىڭ «ويىنشىقتار قاۋىپسىزدىگى» تەحرەگلامەنتىنە پسيحولوگيالىق- پەداگوگيكالىق ساراپتاما نورماسىن ەنگىزۋدى ۇسىندى، دەپ حابارلادى «يزۆەستيا» باسىلىمى.

اۆتورلاردىڭ يدەياسىنا سايكەس، ويىنشىقتار «پسيحو-پەداگوگيكالىق قاۋىپسىزدىك كريتەريلەرىنە سايكەستەندىرىلىپ» بارىپ، ساتىلىمعا شىعۋى ءتيىس. وسىلايشا، بالالاردى اگرەسسياشىل قادامدارعا، قاتىگەزدىك پەن جاۋىزدىققا جەتەلەيتىن ويىنشىقتاردىڭ ساتىلۋىنا تىيىم سالىنۋى ءتيىس. ودان بولەك، زورلىق پەن ازعىندىققا، سەكسۋالدىق ارەكەتتەرگە قۇمارلىقتى وياتاتىن ويىنشىقتارعا تىيىم سالىنادى. سونداي- اق، ادامداردىڭ فيزيكالىق كەمشىلىكتەرى مەن ناسىلدىك ەرەكشەلىكتەرىنە نەگاتيۆتى كوزقاراس تۋدىراتىن ويىنشىقتار دا ساتىلمايتىن بولادى.

رەسەيلىك ويىنشىق ساۋداگەرلەرى «بالانىڭ ادامگەرشىلىك-ەموتسيونالدى قاسيەتتەرىنە اسەر ەتەتىن قاۋىپتى دۇنيەلەردىڭ» جوبادا تولىق كورسەتىلمەگەنىن العا تارتۋدا. اسىرەسە، ءدىني، ۇلتتىق جانە ەۋرازيالىق ەكونوميكالىق وداققا قاراستى كوپ كونفەسسيالى جانە كوپ ۇلتتى بالالاردىڭ وزگە دە ەرەكشەلىكتەرىنىڭ ەسكەرىلمەگەنىن ايتۋدا. ماسەلەن، ايدت شىعاراتىن بالالارعا ارنالعان Barbie قۋىرشاعى ەۋروپالىق ستاندارتتارعا ساي اشىق-شاشىق كيىندىرىلگەن جانە ول مۇسىلمان الەمىنىڭ قۇندىلىقتارىنا مۇلدەم سايكەس كەلمەيدى. ەۋروپالىق ۇلگىدە كيىنگەن Barbie قۋىرشاعى ەۋرازيالىق ەكونوميكالىق وداقتىڭ كوپ كونفەسسيالىلىعىنا ساي كەلمەيدى. Barbie قۋىرشاعى ساتىلىمعا وتكەن ءجۇزجىلدىقتىڭ ورتاسىنان باستاپ شىققان.

قۋىرشاق بۇعان دەيىن دە تالاي سىننىڭ استىندا قالعان. ماسەلەن، ونى انورەكسيا مەن بۋليميانىڭ كاتاليزاتورى دەپ اتايتىن. سونداي-اق، ونى مۇسىلمان الەمى دە قابىلداي المادى. 2012-جىلى يران ءوز ايماعىندا Barbie- ءدى ساتۋعا تىيىم سالدى. 2016-جىلدىڭ قىسىندا قۋىرشاقتى ءوندىرۋشى Mattel كومپانياسى ونى مۇسىلمان ەتىپ شىعاردى. 2015-جىلى Mattel- ءدىڭ تابىسى $5,7 ميللياردتى قۇرادى (2014-جىلمەن سالىستىرعاندا 5,3% از).

بۇل ورايدا وندىرۋشىلەر مەن ساۋداگەرلەر جاڭادان ەنگىزىلگەن ءتارتىپتىڭ ەكونوميكالىق احۋالعا كەرى اسەر ەتۋىن ايتۋدا. وندىرۋشىلەردىڭ ايتۋىنشا، ساراپتامانىڭ بۇل ءتۇرى ءوندىرىستىڭ وزىندىك قۇنىن ودان سايىن ارتتىرا تۇسەدى. تەكسەرىستىڭ ەنگىزۋدىڭ ءوزى تاۋاردى %20- عا، ال بەلگىلى ءبىر مەرزىمدە ساراپتاما جاساۋدى مىندەتتەۋ تاعى دا %30- عا ارتتىرادى. وسىنداي شىعىندار ارزان باعاداعى تاۋاردى قىمباتتاتا ۇسەدى. اقىرىندا بالالارعا ارنالعان تاۋاردىڭ قوجەتىمدىلىگى تومەندەيدى. قازىرگى تاڭدا وزگەرىس ەنگىزۋ جوباسى 30- قاراشاعا دەيىن جالعاساتىن قوعام تالقىلاۋىنا ۇسىنىلدى.