قانات يسلامنىڭ جاس بوكسشىلارعا ارنالعان موتيۆاتسيالىق بەينەروليگى شىقتى

استانا. قازاقپارات - قازاقتىڭ تانىمال كاسىپقوي بوكسشىسى قانات يسلامنىڭ ۇستازىنان ۇرىس ەستىگەن جاس بوكسشى بالانى قالاي جىگەرلەندىرگەنى، قانداي اقىل-كەڭەس بەرگەنى جايىندا جاڭا ۆيدەوروليك جارىققا شىقتى.

بەينەروليكتىڭ شىنايى ءارى اسەرلى ەكەندىگىن جۋرناليست بەرىك سۇلتان جازدى. «سۋ جاڭا موتيۆاتسيالىق روليك! ماعان وتە قاتتى ۇنادى. روليكتىڭ ماعىناسى دا مازمۇنى دا كەرەمەت ەكەن! قانات يسلام ءار قازاقتىڭ جاناشىرى! ءار قازاق قانات يسلامنىڭ جانكۇيەرى!» ، - دەلىنگەن ونىڭ فەيسبۋكتەگى جازباسىندا.

شىنىمەن دە، وسى ۆيدەوروليكتەن قانات يسلامنىڭ بالدىرعان بوكسشىعا جىگەر بەرىپ، كەز-كەلگەن سپورتشى چەمپيون بولۋ ءۇشىن نە ىستەۋ كەرەكتىگىن ايتىپ جاتقانىن انىق بايقاۋعا بولادى.

 

اۆتور: كۇنسۇلتان وتارباي