16:38, 19 - قىركۇيەك 2016 | GMT +6
نازاربايەۆ تالدىقورعان قالاسىنىڭ كوپسالالى اۋرۋحاناسى قىزمەتكەرلەرىمەن كەزدەستى
استانا. قازاقپارات - مەملەكەت باسشىسى نۇرسۇلتان نازاربايەۆ الماتى وبلىسىنا جۇمىس ساپارى بارىسىندا تالدىقورعان قالاسىنىڭ كوپ سالالى اۋرۋحاناسىندا بولدى.
بۇل تۋرالى اقوردانىڭ باسپا ءسوز قىزمەتى حابارلادى.
قازاقستان پرەزيدەنتىنە وبلىستىڭ دەنساۋلىق ساقتاۋ جۇيەسىن دامىتۋدىڭ باستى باعىتتارى جانە ءتيىستى مەملەكەتتىك باعدارلامالاردىڭ ىسكە اسىرىلۋ بارىسى تۋرالى باياندالدى.
سونداي- اق، نۇرسۇلتان نازاربايەۆ اۋرۋحانا قىزمەتكەرلەرىمەن كەزدەستى. ولار جۇرگىزىلىپ جاتقان الەۋمەتتىك ساياساتقا قولداۋ ءبىلدىرىپ، دەنساۋلىق ساقتاۋ سالاسىنا كورسەتىلىپ وتىرعان قامقورلىق ءۇشىن ەلباسىعا العىستارىن ايتتى.
300 ادام سياتىن مەديتسينالىق مەكەمە ستاتسيونارلىق، ستاتسيوناردى الماستىراتىن جانە جوعارى مامانداندىرىلعان مەديتسينالىق كومەك كورسەتەدى. كوپسالالى اۋرۋحانا جاڭا مەديتسينالىق قۇرىلعىلارمەن جابدىقتالعان.
