15:51, 19 - قىركۇيەك 2016 | GMT +5
جانار دۇعالوۆا «ەۋرازيا» ۋنيۆەرسيتەتىنە ماگيستراتۋراعا ءتۇستى
استانا. قازاقپارات - تانىمال قازاق ءانشىسى، «Turkvizyon-2014» بايقاۋىنىڭ جەڭىمپازى جانار دۇعالوۆا جاڭا وقۋ جىلىندا استاناداعى ەۋرازيا ۇلتتىق ۋنيۆەرسيتەتىنە ماگيستراتۋراعا تۇسكەن.
بۇل تۋرالى بۇگىن ورتالىق كوممۋنيكاتسيالار قىزمەتىندە وسى ۋنيۆەرسيتەتتىڭ پروفەسسورى عاريفولا ەسىم ايتتى، دەپ حابارلايدى Baq.kz ءتىلشىسى.
«ءبىز ق ر مادەنيەت جانە سپورت مينيسترلىگىمەن ەۋرازيا ۇلتتىق ۋنيۆەرسيتەتى اراسىندا بايلانىس بار. ويتكەنى، مادەنيەتتىڭ تاريحى، تەورياسى بولادى. ناعىز ىستەردى مينيسترلىك اتقارادى. ال ءبىز مامان دايارلايمىز. «مادەنيەت تانۋ» ماماندىعى بويىنشا باكالاۆرلار مەن ماگيسترانتتاردى وقىتامىز. سونداي-اق PHD- دوكتارانتۋرا بار. وسى بولاشاق مامانداردى مادەنيەت جانە سپورت مينيسترلىگىنە، ۇلتتىق مۋزەيگە دايىندايمىز. بيىل «مادەنيەت تانۋ» ماماندىعى بويىنشا ماگيستراتۋراعا تانىمال ءانشى جانار دۇعالوۆا ءتۇستى»، - دەيدى عاريفولا ەسىم.
ايتا كەتەيىك، وتكەن جىلى ءدال وسى ماماندىققا تاعى ءبىر قازاق ءانشىسى قايرات نۇرتاس تا تۇسكەن ەدى.
