رەسەي ۇلتتىق قاۋىپسىزدىگىن كۇشەيتۋگە كىرىستى

استانا. قازاقپارات - كورشى رەسەي ۇلتتىق قاۋىپسىزدىك سالاسىن كۇشەيتىپ، وسى ماقساتتا جاڭا مينيسترلىك جاساقتاۋعا دەن قويۋدا.

بۇل تۋرالى Baq.kz  باسىلىمى حابارلادى.

باسىلىمنىڭ تاراتقان اقپاراتىنا سايكەس، رەسەي ءوزىنىڭ كۇشتىك جانە قۇقىق قورعاۋ ۆەدومستولارىنا كەڭ اۋقىمدى رەفورما جۇرگىزۋگە دايىندالىپ جاتىر. وعان سايكەس، 2018-جىلى وتەتىن پرەزيدەنت سايلاۋىنا دەيىن فەدەرالدىق قاۋىپسىزدىك قىزمەتى نەگىزىندە ۇلتتىق قاۋىپسىزدىك مينيسترلىگىن (ۇ ك م) قۇرۋ قاراستىرىلعان.

بولجام بويىنشا، جاڭا ۆەدومستۆو فەدەرالدىق كۇزەت قىزمەتى، سىرتقى بارلاۋ قىزمەتىن بىرىكتىرەتىن بولادى. ال رەسەيدىڭ تەرگەۋ كوميتەتى باس پروكۋراتۋراعا قايتارىلىپ، توتەنشە جاعدايلار مينيسترلىگىنىڭ مىندەتتەرى قورعانىس مينيسترلىگى مەن ءى ءى م- گە ءبولىپ بەرىلمەك.

ودان بولەك، ۇ ق م- عا اسا ۇلكەن داۋ تۋدىرعان ىستەردى ءوز وندىرىسىنە الىپ، وسى ارنايى قىزمەتتىڭ ماتەريالدارى نەگىزگە الىنعان تەرگەۋلەردى ءوز باقىلاۋىنا الۋ مۇمكىندىگى ۇسىنىلىپ وتىر. وسىلايشا، رەسەي مۇنداي اۋقىمدى رەفورما ارقىلى كۇشتىك جانە قۇقىق قورعاۋ قۇرىلىمدارىن ءتيىمدى باسقارىپ، جەمقورلىقتى ءتۇپ-تامىرىمەن جويۋعا نيەتتى.

  "Ъ"  مالىمەتتەرىنە سەنسەك، جاڭا رەفورماعا رەسەي پرەزيدەنتى پۋتيننىڭ فەدەرالدىق كوشى-قون قىزمەتى مەن ەسىرتكى اينالىمىن باقىلاۋ فەدەرالدىق قىزمەتتەرىنىڭ قۇزىرەتىن ءى ءى م- گە بەرىپ، ىشكى اسكەر مەن ىشكى ىستەر ورگاندارىنىڭ ءبىرقاتار جاساقتارىنىڭ نەگىزىندە رەسەي گۆاردياسىن قۇرۋ تۋرالى شەشىمى تۇرتكى بولدى.