تورەعاليدىڭ ونەردەگى ارىپتەسى ونىڭ جامان ادەتى تۋرالى ايتىپ بەردى
تورەعالي تورەالى تەمىربەك جۇرگەنوۆ اتىنداعى ونەر اكادەمياسى جانىنداعى كوللەدجدىڭ تۇلەگى ەكەنىن كوپشىلىك قاۋىم جاقسى بىلەدى. ول بۇل جولى ءوزى تۇلەپ ۇشقان قارا شاڭىراققا بارىپ، جاڭا بەينەبايانىنىڭ ءتۇسىرىلىمىن جاسادى. ونەر اكادەمياسىنا انشىمەن بىرگە وقىعان گرۋپپالاستارى تۇگەل جينالدى. ولاردىڭ اراسىندا اكتەر اسىلحان تولەپوۆ، كامشات جولدىبايەۆانىڭ ءسىڭلىسى التىناي، جاس اكتەرلەر، اقىندار دا بار.
ءتۇسىرىلىم بارىسىندا تورەعالي تورەالى ءوزىنىڭ ستۋدەنتتىڭ شاعىندا قانداي بولعانىن ايتىپ بەردى. ول ءوزىن بۇزىقتاۋ بولعانىن ايتتى. "اعىلشىن، ورىس تىلدەرى ساباقتارىنا بارماعام. بىرەۋىنىڭ دە مۇعالىمدەرىن كورمەگەن ەكەم. سول كىسىلەردەن كەشىرىم سۇرايمىن. سونداي ءبىر اسا قاتتى ءتارتىپتى بولعان جوقپىن"، - دەپ اعىنان جارىلدى ءانشى.
تورەعاليدىڭ قانداي ستۋدەنت بولعانىن ونىڭ گرۋپپالاسى اكتەر اسىلحان تولەپوۆ تە ەسىنە الدى. ونىڭ ايتۋىنشا، ول ساباققا ۇنەمى كەشىگىپ كەلىپ جۇرەدى ەكەن.
" تورەعالي ستۋدەنت كەزىندە دە ساباققا كەشىگىپ كەلەتىن. جاڭا سەمكاعا دا ەكى جارىم ساعاتقا كەشىگىپ كەلدى. وعان قاراماستان ءبىز تۇسىرە بەردىك. كليپتە رەجيسسەر ول ساباققا كەشىگىپ كەلگەندەي ادەمى ەتىپ كەلتىرىپ جىبەردى، ، - دەدى ول ونىڭ كەشىگىپ كەلەتىن ادەتى تۋرالى ايتىپ. دەگەنمەن، تورەعالي بۇل جامان ادەتىن ءوزىنىڭ ونەرى ارقىلى "جۋىپ- شايادى" ەكەن.
"تورەعالي سوزگە شەشەن جىگىت قوي. كەشىكسە دە، ءوز ءوزىن الىپ شىعادى. ولەڭ شىعارىپ، سوزبەن قيىستىرىپ قۇتىلىپ كەتەدى. بىزدە سەكسەنگە كەلگەن ۇلكەن اعاي بولدى. سول كىسىنىڭ ساباعىنا كەشىگىپ كەلگەندە، ول ءبىر پاراق قاعازعا ولەڭ شىعارىپ، ءسويتىپ قۇتىلىپ، ءوزىن- ءوزى اقتاپ شىققان"، - دەپ ەسىنە الدى اكتەر.
