قازاقستان ريوداعى پاراليمپيادا ويىندارىن ەكى مەدالمەن اياقتادى
شاراعا قاتىسۋشىلار ويىندار كەزىندە قازا تاپقان يراندىق ۆەلوسپورتشى باحمان گولبارنەجادتى ەسكە الدى.
ەسكە سالايىق، 2016 -جىلعى پاراليمپيادا ويىندارى 7-18 - قىركۇيەك كۇندەرى ريو- دە- جانەيرودا ءوتتى. جالپى كوماندالىق ەسەپتە ءبىرىنشى ورىندى 107 التىن، 81 كۇمىس جانە 51 قولاعا قول جەتكىزگەن قىتاي يەلەنسە، 64 التىن، 39 كۇمىس جانە 44 قولا جۇلدەگە يە بولعان ۇلىبريتانيا سپورتشىلارى ەكىنشى ورىننان كورىندى. ۇزدىك ۇشتىكتى 41 «التىن» ، 37 «كۇمىس» جانە 39 «قولامەن» ۋكراينا قۇراماسى تۇيىندەدى.
قازاقستاندىق سپورتشىلار بۇل باسەكەدە ەكى مەدالعا قول جەتكىزدى.
ماسەلەن، ءزۇلفيا عابيدۋللينا جارىستاردىڭ العاشقى كۇنىندە- اق ەركىن ستيلدە 100 مەترگە جۇزۋدە الەمدىك رەكوردتى ورناتا وتىرىپ، «التىن» يەلەنسە، پاۋەرليفتينگ بويىنشا سپورتشى راۋشان قويشىبايەۆا كۇمىس جۇلدەگەر اتاندى. جالپى ەسەپتە قازاقستان سلوۆەنيامەن بىرگە 58- ورىنعا تۇراقتادى.
