07:33, 19 - قىركۇيەك 2016 | GMT +6
نۇرسۇلتان نازاربايەۆ دومبىرا شەرتتى - كەسكىن
استانا. قازاقپارات - مەملەكەت باسشىسى نۇرسۇلتان نازاربايەۆ الماتىداعى «ءداستۇرلى مۋزىكا مۋلتيمەديالىق ورتالىعىنا» ءوز دومبىراسىن سىيعا تارتتى.
اتالعان ورتالىقتا بولعان كەزىندە ەلباسى دومبىرا شەرتىپ، قازاقتىڭ كونە اسپابىندا ويناي الاتىنىن كورسەتتى. وسى ءسات تۇسىرىلگەن ۆيدەو اقوردانىڭ باسپا ءسوز قىزمەتىنىڭ Instagram-داعى پاراقشاسىندا جاريالاندى.
سونداي- اق، مەملەكەت باسشىسى «ءداستۇرلى مۋزىكا مۋلتيمەديالىق ورتالىعىنا» ايگىلى كۇيشى دينا نۇرپەيىسوۆاعا ارنالعان «دالا اۋەندەرى» اتتى ءمۇسىندى دە قوسا تارتۋ ەتتى.
اتالعان ورتالىقتا ىقىلاس اتىنداعى حالىق اسپاپتارى مۋزەيى، ءا. قاستەيەۆ اتىنداعى مەملەكەتتىك مۋزەي، الماتى قالاسىنىڭ تاريح مۋزەيى، سونداي- اق مەملەكەتتىك مۇراعاتتار قورىنان الىنعان قازاق ونەرىنىڭ كورنەكتى قايراتكەرلەرىنىڭ بىرەگەي اسپاپتارى كورەرمەندەر نازارىنا ۇسىنىلعان.
