08:31, 19 - قىركۇيەك 2016 | GMT +5
اشحابادتا اشىلعان جاڭا اۋەجاي گيننەستىڭ رەكوردتار كىتابىنا ەندى
استانا. قازاقپارات - تۇركىمەنستان استاناسىندا اشىلعان قۇنى 2 ميللياردتان استام دوللارعا تەڭ جاڭا حالىقارالىق اۋەجاي گيننەستىڭ رەكوردتار كىتابىنا ەندى. بۇل تۋرالى Report پورتالى حابارلادى.
ءۇش تەرمينالى بار اۋەجاي ءبىر ساعاتتا 2000 جولاۋشىعا قىزمەت كورسەتە الادى. اۋەجاي كەز كەلگەن ۇشاق ءتۇرىن قابىلداي الادى جانە حالىقارالىق ستاندارتتارعا ساي قىزمەت كورسەتەدى.
اشحابادتاعى حالىقارالىق اۋەجايدىڭ اشىلۋ سالتاناتىنا تۇركىمەنستان پرەزيدەنتى قۇربانع ۇلى بەردىمۇحامەدوۆ قاتىستى. اۋەجاي جولاۋشىلار تەرمينالىنىڭ نەگىزگى عيمارات توبەسىندە الەمدەگى ەڭ ۇلكەن كىلەم گەلى (ويۋ ءتۇرى) ارحيتەكتۋرالىق سۋرەتى بەينەلەنگەندىگى ءۇشىن گيننەستىڭ رەكوردتار كىتابىنا ەندى. بۇل ويۋدىڭ اۋماعى 705 شارشى مەتردى قۇرايدى، دەپ جازادى 24.kz.
ايتا كەتەيىك، تۇركىمەنستان استاناسىنداعى اۋە ايلاعىن تۇرىك كومپانياسى سالىپ بەرگەن.
