دارىگەرلەر نەكەنىڭ ەر ادامدار ءۇشىن پايداسىن انىقتادى

استانا. قازاقپارات - يوكوگاما قالالىق ۋنيۆەرسيتەتىنىڭ ماماندارى نەكەنىڭ ەر ادامدار ءۇشىن پايداسىن انىقتادى.

زەرتتەۋ ناتيجەلەرى جىل سايىن ميۋنحەندە وتەتىن ديابەتتى زەرتتەۋ بويىنشا ەۋروپالىق اسسوتسيااتسياسىنىڭ جيىنىندا جاريا ەتىلدى، دەپ حابارلايدى The Daily Mail.

عالىمدار بويداق جىگىتتەردىڭ ۇيلەنگەن ەركەكتەرگە قاراعاندا ارتىق سالماققا ەكى ەسە كوپ تاپ بولاتىنىن انىقتادى. اتاپ ايتساق، ۇيلەنگەن ەر ادامداردا قانت ديابەتى، جوعارى قان قىسىمى مەن سەمىزدىكتىڭ مەتابوليزمدىك سيندرومدارى سيرەك بايقالادى ەكەن.

دارىگەرلەر ورتاشا جاسى 65 بولاتىن 270 ەر ادامدى زەرتتەۋگە الدى. قاتىسۋشىلاردىڭ تۇگەلىنەن دەرلىك قانت ديابەتىنىڭ ەكىنشى ءتيپى تابىلدى. ولاردىڭ ىشىندە 180 ادام ۇيلەنگەن بولسا، 90 ى - بويداق.

عالىمدار قاتىسۋشىلاردىڭ دەنە سالماعى مەن ونداعى مايلى تىندەردىڭ قۇرامىن انىقتاعان. زەرتتەۋ ناتيجەلەرى ورتا ەسەپپەن العاندا ۇيلەنگەن ەركەكتەردىڭ بويداق جىگىتتەرگە قاراعاندا سەمىزدىك اۋرۋىنا ەكى ەسە از شالدىعاتىندارىن كورسەتتى.

وتباسىلى ەر ادامداردا مايلى تىندەردىڭ مولشەرى ورتا ەسەپپەن 18,9 كەلىنى قۇراسا، بويداقتاردا - 23,5 كەلىگە جەتكەن. ءۇيلى-باراندىلاردا مەتابوليزمدىك سيندرومنىڭ دامۋ مۇمكىندىگى 58 پايىزعا تومەن بولىپ شىقتى.

دارىگەرلەردىڭ پايىمداۋىنشا بۇل قۇبىلىس تەك ەر ادامدارعا ءتان، ايەل زاتىنىڭ ارتىق سالماق قوسۋى تۇرمىس قۇرۋ-قۇرماۋىنا بايلانىستى ەمەس. وعان سەبەپ -وتباسىلى ازاماتتار دۇرىس تاماقتانىپ، مەديتسينالىق كومەككە ۋاقىتىلى جۇگىنۋىندە.