بايقوڭىر رەسەي دۋماسىنىڭ سايلاۋىنا قاتىسىپ جاتىر

بايقوڭىر. قازاقپارات - «بايقوڭىر» عارىش كەشەنىنىڭ رەسەيلىك بولىگى جەكسەنبى كۇنى جەتىنشى شاقىرىلىمداعى مەملەكەتتىك دۋما دەپۋتاتتارىنىڭ سايلاۋىنا قاتىسىپ جاتىر.

بايقوڭىر قالالىق اۋماقتىق سايلاۋ كوميسسياسىنىڭ ءتوراعاسى ميحايل موسكاليەۆ حابارلاعانداي، سايلاۋشىلار تىزىمىندە 14500 ادام بار.

داۋىس بەرۋ ەكى بيۋللەتەن بويىنشا جۇزەگە اسادى. بىرىنشىسىندە سايلاۋشىلار رەسەيدىڭ 14 ساياسي پارتياسىن تاڭداسا، ەكىنشى بيۋللەتەندە ماسكەۋ وبلىسى شەلكوۆسكي اۋدانى ءبىر مانداتتى وكرۋگتەن 9 كانديداتتىڭ اتى بەلگىلەنگەن.

«بايقوڭىر شەلكوۆسكي وكرۋگتىك 127№ كوميسسياعا كىرەدى جانە وكرۋگ سايلاۋشىلارىنىڭ %3 قۇرايدى»، - دەدى موسكاليەۆ.

سايلاۋ ۋچاسكەلەرىنىڭ اقپاراتىنشا، ساعات 00 :12  جاعداي بويىنشا بايقوڭىردا سايلاۋشىلاردىڭ %15 داۋىس بەردى.

بايقوڭىردا داۋىس بەرۋ جەرگىلىكتى ۋاقىتپەن ساعات  00 :20 دا اياقتالادى.