رەسەيدە پارلامەنت سايلاۋى ءوتىپ جاتىر

استانا. قازاقپارات - رەسەيدە جەتىنشى شاقىرىلىمداعى مەملەكەتتىك دۋما دەپۋتاتتارىنىڭ سايلاۋى ءوتىپ جاتىر.

سايلاۋدا رەسەيلىكتەر پارلامەنتتىڭ تومەنگى پالاتاسىنىڭ قۇرامىن جاساقتايدى، دەپ حابارلادى ت ا س س.

رەسەي كونستيتۋتسياسىنا سايكەس، مەملەكەتتىك دۋما 450 دەپۋتاتتان تۇرادى. جاڭا دۋمالىق قۇرام ارالاس جۇيەمەن - 225 دەپۋتات پروپورتسيالىق جۇيە (پارتيالىق ءتىزىم بويىنشا) جانە 225 ءبىر مانداتتىق وكرۋگ بويىنشا سايلانادى.

ر ف گەوگرافيالىق اۋماعىنا (ۇلكەن بولعانىنا) بايلانىستى داۋىس بەرۋ ءبىر تاۋلىكتەن اسادى: ءبىرىنشى سايلاۋ ۋچاسكەلەرى كامچاتكا مەن چۋكوتكادا جەرگىلىكتى ۋاقىتپەن ساعات 8:00 دە، ال رەسەي اۋماعىنداعى سوڭعىسى ماسكەۋ ۋاقىتىمەن ساعات 21:00 باتىستاعى وڭىردە - كالينينگراد وبلىسىندا جابىلادى. بۇل كەزدە ەلدىڭ شىعىس بولىگىنىڭ تۇرعىندارى ءۇشىن 19- قىركۇيەك.