قازاقستاندىق ازامات ەكاتەرينبۋرگتە بانك تونادى

استانا. قازاقپارات - قازاقستان ازاماتى ەكاتەرينبۋرگتە ءبارىن جارىپ جىبەرەمىن دەپ قورقىتىپ، بانك بولىمشەسىنەن ءبىرجارىم ميلليون رۋبلدى الىپ كەتتى.

ونى بۇل قىلمىسقا قارىزدارى يتەرمەلەگەن.

21 جاستاعى ەر ادام ەكاتەرينبۋرگكە قازاقستاننان كەلگەن.

بۇل جىگىتتىڭ وتانىندا ءومىرى ورنىقسىز بولعان. وندا ءوز دوسىنىڭ قىمبات ماشيناسىن قيراتىپ العان.

ال جولداسى بولسا، كولىكتى جوندەۋگە اسا قوماقتى اقشا تالاپ ەتەدى. جاس جىگىت مۇنداي قارجىنى تەك رەسەيدە عانا تابۋعا بولادى دەپ شەشكەن، دەپ حابارلايدى «كومسومولسكايا پراۆدا ۆ ەكاتەرينبۋرگە» گازەتى.

ايتا كەتەر جايت، ول ۋنيۆەرسيتەتتى ەكونوميست ماماندىعى بويىنشا ءتامامداعان.

سوندىقتان ەكاتەرينبۋرگتە جۇمىسقا ورنالاسۋدا ەش قيىندىق بولمايدى دەپ سەنگەن. ايلار وتەدى، قارىزى ءوسىپ، جاعدايى قيىندايدى. تىعىرىققا تىرەلگەن ازامات وسىلايشا وقىس قادام جاساۋعا بەل بۋادى.

باسىلىمنىڭ جازۋىنشا، بانكيرلەر ۇرىنى اشۋلاندىرماي وعان بارلىق ەۋرو مەن دوللاردى بەرەدى.

ول رۋبلگە شاققاندا ءبىرجرىم ميلليون بولادى. اقشانى العان باۋكەسپە تەزدەتىپ ءىزىن سۋىتادى.

10 مىڭ ەۋرونى بىردەن ءوزىنىڭ دوسىنا، وتانىنا اۋدارادى، قالعانىنا پاتەراقىسىنا تولەپ، ءوزى جاقسىلاپ كيىنەدى.

ەكاتەرينبۋرگ پوليتسياسىنىڭ قىزمەتكەرلەرى ونى كوپ ۇزاتپاي قولعا ءتۇسىردى.