ريگادا الدىڭعى شاسسيسىز ۇشاق قوندى - كەسكىن

استانا. قازاقپارات - لاتۆيا استاناسى ريگا اۋەجايىندا جولاۋشىلار ۇشاعى شۇعىل تۇردە قوندى. ۇشۋ بارىسىندا شاسسيدىڭ الدىڭعى تىرەگى سىنعان.

ۇشاق ءساتتى قونىپ، بورتتا بولعان 67 ادامنىڭ بىرەۋى دە جاپا شەكپەدى، دەپ حابارلادى Delfi.

توتەنشە جاعداي Air Baltic كومپانياسىنىڭ رەيسىندە ورىن الدى. ول ريگادان تسيۋريحكە باعىت العان. اۋەگە كوتەرىلگەن سوڭ Bombardier Q400 NextGen ۇشاعىنىڭ ەكيپاجى الدىڭعى شاسسيدەگى اقاۋلىقتى بايقاعان.

جولاۋشىلاردىڭ اراسىندا Boeing ۇشقىشى بولعان. ول ادامداردى قاۋىپسىز جەرگە كوشىرۋ كەزىندە كومەكتەسكەن. بورتتا 4 ەكيپاج مۇشەسى مەن 63 جولاۋشى، سونىڭ ىشىندە ءسابي مەن ەكى بالا بار.

ۇشاق قونعاننان كەيىن اۋەجاي ءبىراز ۋاقىتقا جابىلدى، سونىڭ ىشىندە ۇشۋ-قونۋ جولاعى تەكسەرىلدى. ارنايى قىزمەتتەردىڭ ايتۋىنشا، ۇشۋ-قونۋ جولاعىنا زاقىم كەلمەدى.

ەستەرىڭىزگە سالا كەتەيىك، وسىنداي وقيعا ەلىمىزدە دە بولدى. 2016-جىلى 27- ناۋرىزدا Bek Air اۋەكومپانياسىنا تيەسىلى «Fokker-100» ۇشاعى استانا اۋەجايىنا الدىڭعى ءشاسسيى اشىلماي، اپاتتى جاعدايدا قونعان بولاتىن. اۋە كەمەسىن كوماندير دميتريي رودين قوندىردى. بورتتا ەكيپاج مۇشەلەرىن قوسقاندا بارلىعى 121 ادام بولعان. زارداپ شەككەندەر جوق.

 6- مامىر كۇنى اقوردادا ەكيپاج كومانديرى دميتري رودين اسكەري جانە قىزمەتتىك مىندەتىن اتقارۋ بارىسىنداعى كورسەتكەن باتىلدىعى مەن ەرلىگى ءۇشىن جوعارى دارەجەلى ەرەكشەلىك بەلگىسى - «حالىق قاھارمانى»، التىن جۇلدىز جانە «وتان» وردەنىمەن ماراپتتالدى. كەمەنىڭ ەكىنشى ۇشقىشى ۆاديم سمەرەچانسكيي II دارەجەلى «ايبىن» وردەنىنە يە بولدى. اۋە كەمەسىنىڭ بورت سەرىكتەرى رۋستام يبراگيموۆ، جادىرا مۋداريسوۆا جانە الەكساندر شەستاكوۆ «ەرلىگى ءۇشىن» مەدالىمەن ماراپاتتالعان بولاتىن.