ازەربايجان مەن قازاقستان ەنەرگەتيكا جانە كولىك سالاسىنداعى ىنتىماقتاستىقتى تالقىلايدى

استانا. قازاقپارات - استانادا 21-22- قىركۇيەكتە ۇكىمەتارالىق قازاقستان-ازەربايجان ەكونوميكالىق ىنتىماقتاستىق جونىندەگى كوميسسيانىڭ 13- وتىرىسى وتەدى، دەلىنگەن قازاقستاننىڭ باكۋدەگى ەلشىلىگىنىڭ حابارلاماسىندا.

ازەربايجاندىق دەلەگاتسيانى ۇكىمەتارالىق كوميسسيانىڭ تەڭ ءتوراعاسى - ەنەرگەتيكا ءمينيسترى ناتيگ اليەۆ باسقارادى، دەپ حابارلايدى Trend.

«تاراپتار ەنەرگەتيكا سالاسىنداعى ەكىجاقتى ىنتىماقتاستىقتىڭ، ساۋدا-ەكونوميكالىق جانە ينۆەستيتسيالىق بايلانىستاردىڭ، ترانزيت جانە كولىكتىك جۇيە، اۋىل شارۋاشىلىعى، ءبىلىم جانە تۋريزمنىڭ كەڭ اۋقىمدى ماسەلەلەرىن تالقىلاۋعا نيەتتى.

وتىرىس قورىتىندىسى بويىنشا حاتتاماعا قول قويىلادى. ۇكىمەتارالىق كوميسسيا 2017-جىلى باكۋدە وتەدى.

قازىرگى ۋاقىتتا قازاقستاندا ازەربايجاندىق كاپيتالدىڭ قاتىسۋىمەن 700 كومپانيا جۇمىس ىستەۋدە.

ازەربايجاندا قازاقستاندىق كاپيتالدىڭ قاتىسۋىمەن 60 فيرما تىركەلگەن.