بەلگيادا العاش رەت بالاعا ەۆتانازيا جاسالدى
كورولدىك - داۋاسى جوق سىرقاتقا شالدىققان ءارى «ءوز ارەكەتىنە جاۋاپ بەرۋگە قابىلەتتى» بالالارعا ومىرىمەن قوش ايتىسۋعا شەشىم قابىلداۋىنا رۇقسات بەرەتىن الەمدەگى جالعىز مەملەكەت.
ەۆتانازيانى باقىلاۋ جونىندەگى كوميسسيا باسشىسى، پروفەسسور ۆيما ديستەلمانستىڭ ايتۋىنشا، بۇل ەرەكشە جاعداي بولعان:
«ەڭ الدىمەن كامەلەتكە تولماعان جاسوسپىرىمدەر جازىلمايتىن اۋرۋدىڭ سوڭعى ساتىسىنا كوپ شالدىعا بەرمەيتىنىن ايتۋ كەرەك. ەكىنشىدەن كوپتەگەن دارىگەرلەر ەسكى ءتاسىلدى قولدانادى: سىرقاتتى جاساندى كومعا ەنگىزەدى، سودان سوڭ پاللياتيۆتىك سەداتسياعا وتكىزەدى».
كامەلەتكە تولماعانداردى ۋلى ەكپەمەن ەۆتانازيالاۋ تۋرالى زاڭ بەلگيادا وسى ءراسىمدى كامەلەتكە تولعاندارعا زاڭداستىرعاننان كەيىن بارىپ 12 جىلدان سوڭ قابىلدانعان. ول بويىنشا بالانىڭ ءوزى ءوتىنىش بەرۋى كەرەك، ال اتا-انالاردان تەك كەلىسىم بەرۋ عانا تالاپ ەتىلەدى.
