مانحەتتەندە جويقىن جارىلىس بولدى
پوليتسيا جارىلىس بولعان جەرگە كەلدى. جارىلىس بولعان جەرگە جاقىن ۇيلەردىڭ تۇرعىندارىن ەۆاكۋاتسيالاۋ جۇرگىزىلۋدە.
وقىس وقيعا كوشەدە بولعان. ازىرگە ونىڭ سەبەپتەرى بەلگىسىز. قۇقىق قورعاۋ ورگاندارى قالا تۇرعىندارىنا قاۋىپتى ورامعا بارماۋىن سۇرادى. جارىلىس بولعان اۋماق قورشاۋعا الىنىپ، سول جەرگە جەدەل جاردەم قىزمەتى مەن ءورت سوندىرۋشىلەر جىبەرىلدى.
ABC تەلەارناسى قالالىق ءورت ءسوندىرۋ باسقارماسىنداعى دەرەك كوزىنە سىلتەمە جاساي وتىرىپ 15 ادامنىڭ زارداپ شەككەنىن حابارلايدى. ال جەرگىلىكتى PIX11 تەلەارناسىنىڭ مالىمەتىنە جۇگىنسەك، جارىلىس سالدارىنان 26 ادام بولماشى عانا جاراقات العان.
ازىرگە زارداپ شەككەندەر تۋرالى ناقتىلانعان اقپارات جوق. الەۋمەتتىك جەلىگە سالىنعان سۋرەتتەردەن جارىلىس سالدارىنان سول ماڭداعى كولىكتەردىڭ تەرەزەلەرى قيراعانىن كورۋگە بولادى.
