14:17, 18 - قىركۇيەك 2016 | GMT +5
پاراليمپيادا قولاسى ءزۇلفيا عابيدۋلليناعا بۇيىرمادى
استانا. قازاقپارات - ءجۇزۋشى ءزۇلفيا عابيدۋللينا ريو-دە-جانەيروداعى پاراليمپيادا ويىندارىندا 50 مەتر قاشىقتىققا ەركىن جۇزۋدەن ءتورتىنشى ورىنعا تۇراقتادى.
«بۇگىن ءبىزدى ريو پاراليمپيادا ويىندارىندا مەدال الۋعا سەكۋندتىڭ ءبىر بولىگى جەتپەي قالدى. قازاقستان قۇراماسىنىڭ سوڭعى كۇنى ءزۇلفيا عابيدۋللينا 50 مەتر قاشىقتىققا ەركىن جۇزۋدەن ءتورتىنشى ورىن الدى»، - دەلىنگەن قازاقستان پاراليمپيادا كوميتەتىنىڭ ينستاگرامداعى پاراقشاسىندا.
ەسكە سالا كەتسەك، ءزۇلفيا گابيدۋللينا ەل تاريحىندا قازاقستانعا پاراليمپيادانىڭ العاشقى التىنىن اپەرگەن بولاتىن. قازىر ريو پاراليمپياداسىنداعى قازاقستان قۇراماسىنىڭ قورجىنىندا 1 التىن 1 كۇمىس بار.
