جەكە ۇيدەن ريم يمپەرياسى ءداۋىرىنىڭ مۇسىندەرى تابىلدى

استانا. قازاقپارات - يسپانياداعى ەكى جەكە ۇيدەن ريم يمپەرياسى ءداۋىرىنىڭ ءۇش ءمۇسىنى تابىلدى. ەندى ونىڭ يەلەرىنە 200 مىڭ ەۋروعا دەيىن ايىپپۇل سالىنادى، دەپ حابارلايدى ريا نوۆوستي گراجدانسكوي گۆاردياعا سىلتەمە جاساپ.

ەكى مىڭ جىل بۇرىنعى ءۇش مرامور ءمۇسىن لوركا مەن كارتاحەنا قالالارىنداعى ەكى جەكە ۇيدەن تابىلعان. بۇل قۇندى زاتتار «اندەر» انسامبلىنە كىرىپ، بۋلياس مۋنيتسيپاليتەتىندە تاريحي قۇجاتتار قاتارىنا ەنگەن. مۇسىندەر الدىمەن اۋىلدىق جەردەگى ۇيدە ساقتالعان.

 ولار XX عاسىردىڭ باسىندا العاشقى ارحەولوگيالىق جۇمىستار باستالعان شاقتا ءىز- ءتۇزسىز جوعالدى.

بۇل شارا يسپانيانىڭ تاريحي مۇرالارىن قورعاۋ جوسپارى اياسىندا ءوتتى. زاڭ بويىنشا، بارلىق تابىلعان تاريحي نىساندار، ارحەولوگيالىق جانە پالەونتولوگيالىق قۇندى زاتتار بيلىككە تاپسىرىلۋى ءتيىس. ونى بۇزعانداردى 101 مىڭنان 200 مىڭ ەۋروعا دەيىن ايىپپۇل كۇتىپ تۇر.

مۇسىندەر ارحەولوگيالىق لوركي جانە مۋرسيا مۋزەيلەرىنە تاپسىرىلدى.