ءانشى بۇركىت جاڭا بەينەبايانعا قاتىستى حالىقتىڭ پىكىرلەرىنە جاۋاپ بەردى - كەسكىن

استانا. قازاقپارات - تانىمال ءانشى بۇركىت ءوزىنىڭ جۇبايى ايشامەن بىرگە تۇسىرگەن جاڭا بەينەبايانعا قاتىستى حالىقتىڭ پىكىرلەرىنە جاۋاپ بەردى.

جاقىندا بۇركىت پەن ايشانىڭ «اگۋگاي» انىنە تۇسىرىلگەن بەينەكليپى كورەرمەندەرگە جول تارتقان ەدى. جاڭا تۋىندىعا ءوز باعالارىن بەرىپ ۇلگەرگەن تىڭدارماندار قوس جۇلدىزدىڭ ينستاگرامداعى پاراقشالارىنا پىكىرلەرىن قالدىرۋدا.

 ءبىرى: «كليپ كليپ ەمەس - ناعىز كينو بولعان» ، «ماعان قاتتى ۇنادى» ، «تاماشا، ءستيلى دە، باعىتى دا وزگەشە» - دەپ جازسا، ءبىرى: «مۇلدەم ۇنامادى. ءانى تىپتە تۇسىنىكسىز، نە جايىندا، كىم جايىندا؟ ونىڭ ىشىنە توبەلەس، اتىس- جارىستار نە ءۇشىن كەرەك. مىنا ولەڭمەن تەك بيلەپ تۇرا بەرۋ كەرەك سياقتى. ماعىناسىن كورمەدىم» ، «ولەڭگە كليپ سايكەس كەلمەيدى» ، - دەگەن سەكىلدى ويلارىن ءبىلدىردى.

ال بۇركىت بولسا، جاڭا تۋىندىلارى وزدەرىنە قاتتى ۇناعانىن ءمالىم ەتتى. «نە بولسا دا، وزىمىزگە كليپ قاتتى ۇنادى! جاڭا باعىت سەكىلدى.. . #gakkuentertainment وزگەشە ءتۇسىردى. ءبىراز تىڭدارماندارىمىز مۇندايدى بىزدەن كۇتپەگەن سەكىلدى. ءبىراق مۇنداي كليپ قازاقستاندا وسى كۇنگە دەيىن تۇسىرىلمەگەنى راس! بارشا حالقىمىزعا، كورەرمەندەرىمىزگە پىكىرلەرىڭىز ءۇشىن ۇلكەن راحمەت. ايتپاقشى، ماعىناسى تۋرالى، ماعىناسى بىرنەشە فيلمدەرگە جارناما سەكىلدى ۇزىندىلەر بولىپ ءتۇسىرىلسىن دەگەن ماقساتپەن رەجيسسەردىڭ ويى جۇزەگە اسىپ وتىر!» ، - دەپ جاۋاپ قايىردى ول.