گەرمانيادا جەرگىلىكتى تۇرعىندار مەن بوسقىندار توبەلەستى

استانا. قازاقپارات - گەرمانيانىڭ شىعىسىنداعى باۋتتسەن قالاسىندا جەرگىلىكتى تۇرعىندار مەن بوسقىندار اراسىندا قاقتىعىس بولدى، دەپ حابارلايدى 24.kz.

Bild گازەتىنىڭ جازۋىنشا، 80 جاس ازامات 20 ميگرانتپەن سوزگە كەلىپ قالعان. ۇرىس- كەرىستىڭ سوڭى توبەلەسكە ۇلاسادى. ەكى جاق ءبىر- بىرىنە قولعا تۇسكەن شولمەكتەر مەن تاس لاقتىرعان. بۇل جانجال پوليتسيا كۇشىمەن توقتاتىلدى. وقيعا ورنىنا 100 پوليتسيا قىزمەتكەرى كەلىپ، جەرگىلىكتى تۇرعىنداردى ۇيلەرىنە، ال بوسقىنداردى لاگەرلەرگە جەتكىزدى.

بوسقىندار تۇراتىن جاتاقحانالاردى كۇزەتەتىن ساقشىلاردىڭ سانى كوبەيتىلدى. پوليتسيا تەرگەۋ جۇرگىزىپ جاتىر.

ەسكە سالا كەتەيىك، باۋتتسەن تۇرعىندارى بوسقىندار تۇراتىن تۇراقتاردى بىرنەشە رەت ورتەپ، ميگرانتتارعا قارسى شەرۋلەر ۇيىمداستىرعان بولاتىن.