08:14, 17 - قىركۇيەك 2016 | GMT +5
ەۋروپا ليگاسى تاريحىنداعى ەڭ جىلدام گول سوعىلدى
استانا. قازاقپارات - فۋتبولدان ەۋروپا ليگاسى تاريحىنداعى ەڭ جىلدام گول سوعىلدى. ازەربايجاننىڭ «كاراباح» كلۋبىنا قارسى ويىندا «سلوۆان» (چەحيا) كلۋبىنىڭ ويىنشىسى يان سىكورا العاشقى گولدى كەزدەسۋدىڭ 11 سەكۋندىندا سوقتى، دەپ جازادى massaget.kz.
قوس كلۋب اراسىنداعى توپتىق كەزەڭدەگى ءبىرىنشى ويىن 2:2 ەسەبىمەن اياقتالدى. ال يان سىكورا جىلدام گولىنىڭ ناتيجەسى بويىنشا رەكورد ورناتتى. وسىعان دەيىن بۇل رەكورد «سيەۆيليا» ويىنشىسى ۆيتولونىڭ ەنشىسىندە بولاتىن. ول 2013 -جىلى «ۆيلياررەال» قاقپاسىنا ويىننىڭ 13 سەكۋندىندا گول سوققان ەدى.
