سيريالىق سودىر سەلفي جاسايمىن دەپ قارۋلاستارىن جارىپ جىبەردى - كەسكىن

استانا. قازاقپارات - سيريالىق ەركىن اسكەر جاۋىنگەرى (سيريالىق وپپوزيتسيالىق توپ) ءوزى مەن قارۋلاستارىن سۋرەتكە (سەلفي) تۇسىرەمىن دەپ، جارىلىپ كەتتى دەپ جازادى sn.kz.

قايعىلى جايت تۇسىرىلگەن ۆيدەوروليكتى The Daily Mail باسىلىمى ءوزىنىڭ رەسمي سايتىندا جاريالادى.

جاۋىنگەردىڭ سۋرەتكە تۇسىرمەك بولعان تەلەفونى جارىلعىش زاتقا جالعانعانى كەيىن انىقتالدى. سودىرلار سول تەلەفوننىڭ كومەگىمەن لاڭكەستىك وقيعا جاساماق بولعان. الايدا، قازعان ورلارىنا وزدەرى ءتۇسىپ قالدى.

جاۋىنگەرلەردىڭ جارىلىستان كەيىنگى جاعدايى بەلگىسىز. بەلگىلىسى، ولاردى بەينەتاسپاعا جازعان كامەرا زاقىمدانباعان. سوعان قاراعاندا، جارىلعىش زاتتىڭ كۇشى دە اسا قۋاتتى بولماعان.