الماتىدا اتىس ۇيىمداستىرعان كۇلەكبايەۆتىڭ تۇتقىنداۋ مەرزىمى ۇزارتىلدى

الماتى. قازاقپارات - بەس ادامدى ءولتىرىپ، 8 ادامدى جاراقاتتاعان رۋسلان كۇلەكبايەۆتى تۇتقىنداۋ مەرزىمى 18- قازانعا دەيىن ۇزارتىلدى.

بۇل تۋرالى الماتىدا المالى اۋداندىق سوتىندا حابارلاندى.

«تۇتقىنداۋ مەرزىمى ءۇشىنشى ايعا، 18- قازانعا دەيىن ۇزارتىلدى»، - دەلىنگەن سوتتا.

ەسكە سالساق، 18- شىلدەدە ساعات 11:00 دە الماتىداعى المالى اۋدانى ءى ءى ب عيماراتىنا شابۋىل جاسالدى. پوليتسەيدى جاراقاتتاپ، قارۋىن يەلەنگەن ول وقيعا ورنىنان قاشىپ كەتتى.

قالانىڭ ءى ءى د اقپاراتىنا سايكەس ول قالانىڭ بىرنەشە ورىندارىندا اتىس ۇيىمداستىرعان. كەيىننەن «قازاق كونسەرت» ا ق- ى ماڭىندا ۇستالدى. اتىس سالدارىنان 5 ادام قازا تاپتى. كۇدىكتىگە قاتىستى ق ر ق ك 99-بابى، 269-بابىنىڭ 2-بولىگى، 380-بابىنىڭ 2-بولىگى بويىنشا تەرگەۋ باستالدى.

قالانىڭ ءى ءى د دەرەكتەرىنە سايكەس كۇلەكبايەۆ قارۋ قولدانا وتىرىپ، توناۋ، قاراقشىلىق شابۋىل جاساۋ قىلمىستارىنا قاتىسقان.