نازاربايەۆ پەن پۋتين قاتىساتىن ايماقارالىق فورۋمدا رەسەيدە شىعارىلاتىن ۇشقىشسىز قۇرىلعى تانىستىرىلادى
ال، بۇل سۋرەتتەر 4- قازان كۇنى استانادا ق ر پرەزيدەنتى نۇرسۇلتان نازاربايەۆ پەن ر ف پرەزيدەنتى ۆلاديمير پۋتيننىڭ قاتىسۋىمەن وتەتىن ايماقارالىق فورۋم بارىسىندا تانىستىرىلادى.
«گەوسكان» كومپانيالار توبىنىڭ پرەزيدەنتى الەكسەي سەمەنوۆ ر ف پرەزيدەنتى جانىنداعى كوشباسشىلار كلۋبىنىڭ مۇشەسى. ول استانادا وتەتىن فورۋمعا شاقىرۋ الدى. بۇل فورۋمعا استانا قالاسىنىڭ اكىمى مەن رەسەي پرەزيدەنتى قاتىسادى. وسى ورايدى پايدالانىپ، استانا قالاسىنىڭ ءبىر بولىگىنەن 3D فورماتتاعى كارتانى كورسەتپەكپىز. بۇل جوبانى «گەوسكان» كومپانياسى مەن قازاقستان عارىش ساپارىنىڭ اراسىنداعى ىنتىماقتاستىقتىڭ ناتيجەسى رەتىندە كورسەتكىمىز كەلەدى»، - دەيدى «قازاقپارات» تىلشىسىمەن اڭگىمەلەسكەن «گەوسكان» كومپانياسىنىڭ ماركەتينگ جونىندەگى ديرەكتور ورىنباسارى ميحايل باراباش.
ونىڭ ايتۋىنشا، كومپانيانىڭ قۇرىلعىلارى استانا قالاسىنىڭ ءبىر بولىگىن عانا ەمەس، قالانى اۋەدەن تولىق سۋرەتكە ءتۇسىرىپ، قازاقستاننىڭ تاعى بىرنەشە ءىرى قالالارىن قامتىماق. بۇل 3D فورماتتاعى كارتالار ادەمى كارتينا ءۇشىن ەمەس، قالا اكىمشىلىگىنىڭ بولاشاقتاعى جوبالارى ءۇشىن قاجەت بولادى دەپ سەندىردى ول. ەگەر استانا قالاسىنىڭ اكىمدىگى كەلىسىپ جاتسا، سۋرەتتەر ەلوردا اكىمدىگىنە ساتىلادى.
«ەگەر قالا اكىمدىگى كەلىسپەسە، بىزدەگى مالىمەتتەر ەشقايدا پايدالانىلمايدى. بىرىنشىدەن، بۇل سۋرەتتەردى ءتۇسىرۋ ءۇشىن كۇش قۇرىلىمدارىنىڭ، ۇلتتىق قاۋىپسىزدىك كوميتەتىنىڭ كەلىسىمىن الدىق، قازىر پرەزيدەنت اكىمشىلىگىنەن جاۋاپ كۇتىپ وتىرمىز. ءبىز زاڭعا باعىناتىن كومپانيامىز، ءتىپتى، رەسەيدىڭ وزىندە تۇسىرگىمىز كەلگەن اۋماقتىڭ اكىمشىلىگىنەن رۇقسات سۇرايمىز»، - دەپ ءتۇسىندىردى ميحايل باراباش.
اۆتور: كەنجەكەي توقتامۇرات قىزى
