ساۋد ارابيا بيلىگى قاجىلىقتى ءساتتى ۇيىمداستىرعانىن حابارلادى

ءابۋ- دابي- مەككە. قازاقپارات - ساۋد ارابياسىنىڭ بيلىگى الەمنىڭ ءار تۇپكىرىنەن جىل سايىن قاجىلىققا اتتاناتىن ادامدارعا كورسەتىلەتىن قىزمەتتىڭ جوعارى دەڭگەيدە بولعاندىعىن حابارلادى.

مينا اڭعارى بەيسەنبى، بارلىق قاجىلىققا كەلۋشىلەر مەككە مەن ءماديناعا كەتكەندە بوساپ قالعانداي كورىندى. سارسەنبىدەن باستاپ قاجىلىققا كەلگەندەر قاجىلىق راسىمدەرىن جاساپ، ەكىنشى كۇنى ات- تاشريك كۇندەرىن مەرەكەلەۋگە ۇيلەرىنە اتتانادى.

 وسى جىلى ساۋ ارابياسى كورولدىگى مەملەكەتتىك سەكتورىنان 300 مىڭنان استام ادام جىل سايىنعى قاجىلىقتى ۇيىمداستىرۋعا تارتىلدى.

«ءال ماشاەر» مەتروسىنىڭ جەرۇستى جەلىسىنە 1600 رەت ساپار شەكتى. وسى ۋاقىت ارالىعىندا مەككە مەن كيەلى ورىندار اراسىندا 300 مىڭنان استام ادام اپارىپ- اكەلىندى. 16000 اۆتوبۋس جۇمىس ىستەدى. مەككە مەن كيەلى ورىنداردا 18 ميلليون تەكشە مەتردەن استام ءزامزام سۋى جانە بەس ميلليون تاباق اس بەرىلدى.

 ساۋد ارابياسى دەنساۋلىق ساقتاۋ ءمينيسترى تاۋفيك ال- رابيا قاجىلىققا كەلۋشىلەر اراسىندا ينفەكتسيالىق كارانتيندىك اۋرۋلار تىركەلمەگەنىن حابارلادى. ونىڭ ايتۋىنشا مەككە مەن كيەلى ورىنداردا 25 اۋرۋحانا، قوسىمشا 5000 نان استام كەرەۋەتتى قوسقاندا، 158 دەنساۋلىق ورتالىعى ۇيىمداستىرىلدى. دۇنيەجۇزىلىك دەنساۋلىق ساقتاۋ ۇيىمى دا ينفەكتسيالىق اۋرۋلاردىڭ تىركەلمەگەنىن راستادى.

  بەيسەنبىدە «Saudi Arabian Airlines» (Saudia) اۆياكومپانياسى قاجىلىققا كەلۋشىلەردى كورولدىك ىشىندە تاسىمالداۋ ءۇشىن رەيستەردى جۇزەگە اسىرا باستادى. العاشقى رەيس ال- حوفۋف قالاسىنا باردى. باسقا رەيستەر ەر- رياد، داممام، تابۋك، كاسيم جانە ت. ب. قالالارىنا ۇشتى.

  جۇما تاڭەرتەڭ Saudia پارسى شىعاناعى ەلدەرىنە ۇشىرىلىمىن باستايدى. سەنبىدە ساۋد تاسىمالداۋشىسى الەمنىڭ ءار بولىگىنە 306456 جولاۋشىنى تاسىمالداۋدى باستايدى.