قازاقستاننىڭ ءتورت اسكەري بولىمىندە اۋەدەن قولداۋ باقىلاۋشىلارى وقىتىلدى
كۋرستىق دايارلىقتى ۇيىمداستىرۋ جانە وتكىزۋ ءۇشىن ق ر ق ك ا ق ك باس قولباسشىسى باسقارماسى، ا ق ك باس كوماندالىق پۋنكتىنىڭ جاۋىنگەرلىك باسقارۋ جانە اۆياتسيانىڭ ءوزارا ءىس- قيمىلى ورتالىعىنىڭ نۇسقاۋشىلىق- وقىتۋشىلار قۇرامى تارتىلدى.
سىناق تاپسىرۋ ناتيجەلەرى بويىنشا اسكەري قىزمەتشىلەر پراكتيكالىق وزدىگىنەن ماقسات كورسەتۋگە رۇقسات الاتىن بولادى.
بۇل كۋرستار جىل سايىن تاسىمالداناتىن بايلانىس قۇرالدارىمەن جۇمىس جاساۋ ساپاسىن ارتتىرۋ، جۇمىس كارتاسىندا كوورديناتالاردى ايقىنداۋ جانە جەردە باعدارلاۋ، سونداي- اق، اۆياتسيالىق بولىمشەلەرگە باسشىلىق ەتۋدە دۇرىس ديكتسيانى پىسىقتاۋ ءۇشىن وتكىزىلەدى. وسى قاسيەتتەر اۋە جانە جەرۇستى وپەراتسيالاردى جۇرگىزۋ كەزىندە كىرىكتىرۋدى جەتىلدىرۋ ءۇشىن قاجەت.
كۋرستىق دايارلىق قورىتىندىسى بويىنشا ۇيرەنۋشىلەرگە «وزىق اۆياتسيالىق كوزدەۋشى» ماماندىعى بويىنشا تولىق كۋرستىق دايارلىقتى اياقتاعانى تۋرالى كۋالىك بەرىلەدى.
الدىڭعى اۆياتسيالىق كوزدەۋشىلەردىڭ كۋرستىق دايارلىعى بيىل 2016 وقۋ جىلىنا ارنالعان قازاقستان رەسپۋبليكاسى قارۋلى كۇشتەرىنىڭ باسقارۋ ورگاندارىن، قۇرامالارى مەن بولىمدەرىن دايارلاۋ جوسپارى مەن ق ر ق ك ا ق ك باس قولباسشىسىنىڭ بۇيرىقتارىنا سايكەس وتكىزىلەتىنىن ايتا كەتەيىك.
