يتاليالىق قىز ءوزى تۇسكەن سارى كەسكىن جەلىگە تاراپ كەتكەن سوڭ ءوز- ءوزىن ءولتىردى
2015 -جىلدىڭ كوكتەمىندە ول جاڭا سەرىكتەسىمەن ءينتيمدى باعىتتاعى ۆيدەو ءتۇسىرىپ، ونى بۇرىنعى جىگىتىنە جىبەرمەكشى بولادى. ناتيجەسىندە روليك جەلىگە شىعىپ كەتىپ، قىسقا ۋاقىتتىڭ ىشىندە فەيسبۋك پەن Youtube جەلىسىندە تانىمال بەينەجازباعا اينالىپ كەتەدى. ايەلدى ايىپتاعان، سىناعان، جامانداعان، مازاق ەتكەن پىكىرلەر وسىدان سوڭ قارشا بوراعان. ونىڭ ەسىمىنىڭ تانىمال بولعانى سونشالىق، كەز- كەلگەن ادامنىڭ اۋىزىندا جۇرەدى.
كانتونە ۆيدەونى ىزدەۋ جۇيەسىنەن ءوشىرىپ تاستاۋعا ارەكەتتەنگەنمەن، روليك قايتادان جەلىگە شىعىپ كەتە بەرەدى. وسى ءۇشىن قىز فەيسبۋكتىڭ ىزدەۋ جۇيەسىمەن داۋلاسقان.
اقىرى باس داۋدان ارىلماعان قىز، جۇمىسىنان شىعىپ، باسقا قالاعا كەتەدى. جاڭا ءومىر باستاماقشى بولعان ول، قايتىس بولارىنان از ۋاقىت بۇرىن ەسىمىن اۋىستىرۋعا دا ءوتىنىش بەرگەن. قىزدىڭ اناسى تيتسيانانىڭ قاتتى دەپرەسسياعا ءتۇسىپ، سوت پروتسەسىن ۋايىمداپ اۋىرعانىن ايتادى. ايەلدىڭ سوزىنشە، قىز ەكى مارتە سۋيتسيد جاساۋعا ارەكەتتەنىپتى.
كانتونەنىڭ ءوزىن- ءوزى ءولتىرۋىن پروكۋراتۋرا زەرتتەپ جاتىر. قۇقىق قورعاۋ ورگاندارى ونىڭ ولىمىنە ينتەرنەتتەگى داۋدىڭ قانشالىقتى اسەرى بولعاندىعىن انىقتاۋ ۇستىندە.
