قازاقستاندا وقۋلىقتاردى گەندەرلىك ساراپتامادان وتكىزۋ جوسپارلانۋدا
بۇل تۋرالى بۇگىن استانادا اتالمىش تۇجىرىمداما جوباسىن تانىستىرۋ كەزىندە ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى سۆەتلانا جاقىپوۆا ءمالىم ەتتى.
«ءبىلىم بەرۋ سالاسىندا گەندەرلىك تەڭدىكتى نىعايتۋ زاڭنامالىق بازانى جەتىلدىرۋ، پەداگوگيكالىق قاۋىمداستىقتىڭ گەندەرلىك ساۋالدا قۇزىرلىلىعىن جوعارىلاتۋ، بەيىندى نورماتيۆتىك-قۇقىقتىق اكتىلەردى، وقۋلىقتار مەن وقۋ باعدارلامالارىن گەندەرلىك ساراپتامادان وتكىزۋ ارقىلى قول جەتكىزىلەدى»، - دەدى ول.
سونىمەن قاتار ايەلدەر مەن ايەلدەردىڭ جالاقى ايىرماشىلىعىن قىسقارتۋ، كاسىپكەرلىك قىزمەتتىڭ بارلىق تۇرلەرىنە قولجەتىمدىلىكتى كەڭەيتۋ جانە گەندەرلىك بيۋدجەتتەۋدى ەنگىزۋ تەتىكتەرى جۇزەگە اسىرىلادى.
تۇجىرىمداما جوباسىنىڭ ماقساتى - جىنىس ەرەكشەلىكتەرىنە قاراي زورلىق كورسەتۋ وقيعالارىن جويۋ جانە قازاقستاننىڭ بىتىمگەرلىك ميسسياسىنا ايەلدەردىڭ قاتىسۋىن ۇلعايتۋ.
سونداي-اق مەكتەپكە دەيىنگى ۇيىمداردان باستاپ، وتباسىلىق قۇندىلىقتاردى نىعايتۋ بويىنشا يدەولوگيالىق جۇمىس جۇرگىزىلەدى. مينيسترلىك ەرلەر مەن ايەلدەردىڭ تەڭ سەرىكتەستىگىنىڭ نەگىزىندە قۇرىلعان وتباسىلاردىڭ، وتباسىلىق تاربيە جانە اكە ينستيتۋتىن دامىتۋدىڭ نەگىزىندە وتباسى ينستيتۋتىن نىعايتۋدى كوزدەۋدە.
تۇجىرىمدامانى جۇزەگە اسىرۋ ءۇش كەزەڭنەن تۇرماق: 2017-2019-جىلدار، 2020-2022-جىلدار جانە 2023-2030-جىلدار.
اۆتور: جاسۇلان جولدىبايەۆ
