قىزىلوردالىق جاقسىبەك جەڭىسبەك دزيۋدودان جاستار اراسىندا ازيا چەمپيونى اتاندى
بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن حابارلادى.
جالاعاش اۋدانىنىڭ تۋماسى جاقسىبەك جەڭىسبەك 60 كەلى سالماق دارەجەسىندە ازيا چەمپيونى اتانىپ، ەلىمىزدىڭ ءانۇرانىن شىرقاتتى. ول جارىس بارىسىندا ءۇش كەزدەسۋ وتكىزىپ، ۇشەۋىندە دە جەڭىسكە جەتتى. ايتا كەتەيىك، قازاقستان بويىنشا ۇلدار اراسىندا التىن جۇلدە تەك جاقسىبەكتىڭ ەنشىسىندە بولدى. جاقسىبەك 1996-جىلى 13- تامىزدا جالاعاش اۋدانىندا دۇنيەگە كەلگەن. التى مارتە ەۋروپا كۋبوگىنىڭ يەگەرى (2014,15,16 ج ج.) ءۇش دۇركىن جاسوسپىرىمدەر اراسىندا (2010,11,12 ج ج.) جانە ءۇش دۇركىن جاستار اراسىندا قازاقستان جەڭىمپازى (2014, 15, 16 ج ج.) ، بالالار ازيا ويىندارىنىڭ جەڭىمپازى (ياكۋتيا، 2012 ج.). جاستار اراسىندا ونەر كورسەتىپ كەلگەن جاقسىبەك، ەندى ەرەسەكتەر اراسىندا باعىن سىنايتىن بولادى. ول ۇستىمىزدەگى جىلدىڭ 15-20- قاراشا ايىندا قىزىلوردادا دزيۋدودان ەرەسەكتەر ارسىندا وتەتىن قازاقستان چەمپيوناتىنا قاتىسادى.
سونداي-اق، وسى جارىستا 1№ وبلىستىق وليمپيادالىق رەزەرۆ مەكتەبىنىڭ تاربيەلەنۋشىسى اديا سايىن 44 كەلى سالماق دارەجەسىندە قولا جۇلدەگە قول جەتكىزدى. ول بىلتىرعى جىلى تايلاندتا وتكەن ازيا چەمپيوناتىنىڭ كۇمىس جۇلدەسىن يەلەنگەن بولاتىن.
وبلىستىق جوعارى سپورت شەبەرلىگى مەكتەبىنىڭ سپورتشىسى، قازاقستان جەڭىمپازى، جۇلدەگەرى سالتانات سۇلتانبەكوۆا 52 كەلى سالماق دارەجەسىندە قولا جۇلدەنى ەنشىلەدى.
سپورتشىلاردى جارىسقا قالەن قالي ۇلى، جاناربەك سانسىزبايەۆ، ارمان مولداحانوۆ، ريشات بۋرلوۆ، رامازان مۇستافايەۆ، دارحان الماحانوۆ جانە قايرات باياكەنوۆتەر دايىندادى.
