00:04, 16 - قىركۇيەك 2016 | GMT +6
ەۋرووداق رەسەيگە قارسى شەكتەۋ شارالارىن ۇزارتتى
بريۋسسەل. قازاقپارات - ەۋرووداق ۋكراينانىڭ اۋماقتىق تۇتاستىعىنا، ەگەمەندىگىنە جانە تاۋەلسىزدىگىنە قارسى باعىتتالعان ءىس-ارەكەتتەرگە بايلانىستى ە و شەكتەۋ شارالارىن التى ايعا ۇزارتتى.
بۇل تۋرالى ە و كەڭەسى جاريالاعان حابارلامادا ايتىلدى.
«ە و كەڭەسى ۋكراينانىڭ اۋماقتىق تۇتاستىعىنا، ەگەمەندىگىنە جانە تاۋەلسىزدىگىنە قارسى باعىتتالعان ءىس-ارەكەتتەرگە بايلانىستى ە و شەكتەۋ شارالارىن التى ايعا ۇزارتتى. بۇل سانكسيالار 37 ۇيىم مەن 146 تۇلعانىڭ اكتيۆتەرىن توقتاتۋ مەن كەلۋگە تىيىم سالۋدى قامتيدى. ولار 2017-جىلدىڭ 15- ناۋرىزىنا دەيىن ۇزارتىلدى، - دەلىنگەن مالىمدەمەدە.
«جاعدايدى باعالاۋ رەجىمى سانكسيالار جانە شەكتەۋ شارالارىنا ۇشىراعان تۇلعالار مەن ۇيىمدار ءتىزىمىن وزگەرتۋگە نەگىز بەرمەيدى»، - دەدى ە و كەڭەسى.
