دەپۋتاتتار وتاندىق تەلەحيكايالاردىڭ ازدىعىنا الاڭداۋلى
بۇل تۋرالى بۇگىن ق ر پارلامەنتى ءماجىلىسىنىڭ وتىرىسىندا دەپۋتات فاحريددين قاراتايەۆ ءمالىم ەتتى.
«قازاقستاندىق تەلەارنالار ءبىزدىڭ دۇنيەتانىمىمىزعا تىپتەن ساي كەلمەيتىن شەتەلدىك باعدارلامالاردى كورسەتۋدە. ونىڭ ۇستىنە شەتەل تەلەحيكايالارىنىڭ كوپتىگى حالىقتىڭ نارازىلىعىن تۋدىرىپ وتىر. وسىعان بايلانىستى مەندە ساۋال: قازاقستاندىقتاردىڭ، اسىرەسە وسكەلەڭ جاستاردىڭ بويىندا پاتريوتتىق سەزىمدەردى وياتاتىن وتاندىق سەريالدار نەگە از؟ سەبەپ نەدە؟ مۇمكىن قارجىلاندىرۋ جەتكىلىكسىز بە، الدە باسقا ما؟»، - دەدى فاحريددين قاراتايەۆ ق ر اقپارات جانە كوممۋنيكاتسيا مينيسترلىگىنىڭ وكىلدەرىنە قاراتىپ ايتقان سوزىندە.
«ونداي پروبلەما بار. قازىر مينيسترلىك ول ماسەلەمەن اينالىسىپ جاتىر. زاڭنامالىق جاققا كەلەتىن بولساق، 2017-جىلى جوسپارلى زاڭ جوباسىنا سايكەس، شەتەل ارنالارى ارقىلى كەلەتىن ءونىمدى شەكتەۋ بويىنشا شارالار قاراستىرىلادى»، - دەدى ق ر ا ك م جاۋاپتى حاتشىسى جانات قوجاحمەتوۆ دەپۋتاتتىڭ ساۋالىنا جاۋاپ قايىرۋ كەزىندە.
قوجاحمەتوۆتىڭ سوزىنە قاراعاندا، كەلەسى جىلى بيۋدجەتتە قازاقستاندىق تەلەحيكايالاردى تۇسىرۋگە قوسىمشا قاراجات قاراستىرىلعان.
«قارجىلىق ماسەلەگە توقتاتالاتىن بولساق، 2017-جىلعى بيۋدجەتتە «حابار» جانە «قازاقستان» تەلەارنالارى بويىنشا، 81 وتاندىق تەلەحيكايانى جانە 17 دەرەكتى فيلم تۇسىرۋگە قوسىمشا قاراجات كوزدەلگەن»، - دەپ تولىقتىردى جاۋاپتى حاتشى.
