سەناتتا بيۋدجەت ۇدەرىستەرىنىڭ اشىقتىق ماسەلەسى تالقىلاندى
ر. احمەتوۆ ءۇش جىلدىق كەزەڭدەگى رەسپۋبليكالىق بيۋدجەت تۋرالى زاڭ جوبالارىنىڭ پارلامەنتتە قارالۋ بارىسى، رەسپۋبليكالىق جانە وبلىستىق بيۋدجەت اراسىنداعى ترانسفەرتتەر كولەمى تۋرالى اڭگىمەلەدى. سەناتور بيۋدجەتتى قالىپتاستىرۋدى ءتيىمدى باقىلاۋعا جانە جۇرتشىلىقتىڭ بيۋدجەت ۇدەرىستەرىنە كەڭىنەن قاتىستىرۋدى قامتاماسىز ەتۋگە بايلانىستى ماسەلەلەرگە پارلامەنتشىلەر ەرەكشە نازار اۋداراتىنىن اتاپ ءوتتى.
ەلدىڭ ەكونوميكالىق ساياساتىن ايقىنداۋ ۇدەرىستەرىندە شەتەلدىك تاجىريبەنى زەردەلەۋدىڭ ماڭىزدىلىعى مەن حالىقارالىق ساراپشىلاردى تارتۋدىڭ پايدالى ەكەندىگىن اتاپ وتە كەلىپ، ر. احمەتوۆ حالىقارالىق بيۋدجەت ارىپتەستىگىمەن ىنتىماقتاستىقتى دامىتۋعا ىقىلاس ءبىلدىردى.
ج. جاندوسوۆا ءوز كەزەگىندە بيۋدجەت ۇدەرىستەرىنىڭ اشىقتىعىن ودان ءارى ارتتىرۋعا جانە بيۋدجەتتىڭ نەگىزگى كورسەتكىشتەرىن قالىپتاستىرۋداعى ازاماتتىق قوعامنىڭ ءرولىن ۇلعايتۋعا باعىتتالعان ناقتى ۇسىنىستار ايتتى.
كەزدەسۋگە سەنات دەپۋتاتى ولگا پەرەپەچينا قاتىستى.
