قازاقستاندا قاماۋداعى ادامداردى جەرسەرىك ارقىلى باقىلايتىن بولادى

استانا. قازاقپارات - قازاقستاندىق عالىمدار ەلەكتروندى بىلەزىكتەر نەگىزىندە تۇتقىنداردى باقىلاۋ مەن ەسەپكە الۋدىڭ جاڭا جۇيەسىن ويلاپ تاپتى.

بۇل تۋرالى و ك ق باسپا ءسوز كونفەرەنتسياسى بارىسىندا ق ر ي د م اەروعارىش كوميتەتى ءتوراعاسىنىڭ ورىنباسارى مەيىربەك مولدابەكوۆ حابارلادى.

«بۇل جوبا ۇلكەن الەۋمەتتىك ماڭىزعا يە، سەبەبى سوتتالۋشىلار ءوز جازاسىن جايلىراق جاعدايدا وتەيتىن بولادى. ءبىراق ولار ۇنەمى باقىلاۋدا بولۋى ءتيىس. ول ءۇشىن ءبىز سپۋتنيكتىك ناۆيگاتسيانى پايدالانىپ، ەلەكتروندى بىلەزىك ارقىلى سوتتالۋشىلاردى باقىلاپ وتىراتىن اۆتوماتتاندىرىلعان جۇيە جاساپ شىعاردىق. ەگەر ولار شەكتەلگەن اۋماقتان شىعىپ كەتسە، جۇيە دابىل قاعىپ، جەدەل قىزمەتكە حابار بەرەدى جانە جەدەل قىزمەت قاجەتتى شارالاردى اتقارادى»، - دەپ ءتۇسىندىردى مولدابەكوۆ.

ونىڭ ايتۋىنشا، جوبانى قازاقستاندىق عالىمدار مەن ينجەنەرلەر جاساپ شىعارعان جانە شەتەلدىك بالامالاردان ەش كەم ەمەس.

جىل سايىن قازاقستانداعى ءاربىر تۇتقىندى اسىراۋ مەملەكەتكە 600 مىڭ تەڭگەگە اينالادى. ال بىلەزىكتىڭ ءار داناسى 200 مىڭ تەڭگەدەن اسپايدى.

جوبانى جاساۋ جانە قازاقستانعا ەنگىزۋ 2017-جىلى باستالادى.