الەۋمەتتىك جەلى نۇرلان نوعايەۆتى قوقىس جاشىكتەرىن تەكسەرۋگە ماجبۇرلەدى
ءوڭىر باسشىسى بىرنەشە شاعىن اۋداندار مەن كەنتتەردە بولىپ، «ارنايى اۆتوبازا» ج ش س قالاي جۇمىس ىستەيتىنىن جەكە ارالاپ شىعۋدى ءجون سانادى. كاسىپورىن قىزمەتىن تەكسەرۋگە وبلىس اكىمىمەن بىرگە قالا اكىمى سەرىك شاپكەنوۆ پەن ونىڭ ورىنباسارلارى، تىكەلەي قوقىستى ۋاقتىلى جيناۋعا جاۋاپتى ءبىرقاتار تۇلعالار بىرگە شىقتى.
«باستاپقىدا اكىمدىك كاسىپورىنعا جۇمىسقا قاجەتتى تەحنيكا بەردى. كاسىپورىن جىلىنا 500 ميلليون تەڭگەدەن استام پايدا تابادى. ءوز بەتىنشە تەحنيكا ساتىپ الۋعا نە كەدەرگى بار؟ تۇتاس پارك ەمەس، ءۇش- ءتورت قوقىس تاسيتىن كولىك الۋعا بولادى عوي. جىل سايىن اۋىستىراتىن مۇمكىندىكتەرىڭىز بار. الدە بۇلاي جۇمىس ىستەۋگە بولمايدى دەگەنىمىزدى كۇتىپ وتىرسىزدار ما؟»، - دەدى وبلىس اكىمى ج ش س ديرەكتورى م. شاپكەنوۆكە.
اكىم قوقىس جينايتىن بارلىق كولىككە GPS- شامىن ورناتۋدى، بارلىق كونتەينەرلەردى قالانىڭ ونلاين-كارتاسىنا ەنگىزۋدى تاپسىردى. ودان كەز كەلگەن قالالىق بۇگىن ونىڭ كوشەسىندە قوقىس تازارتىلدى ما، جوق پا، سونى كورە الاتىن بولادى.
«باسشىلىق جۇرەتىن كوشەنى عانا تازالاپ قاجەتى جوق. ساتبايەۆ داڭعىلى مەن اۋەجايعا بارار جول ۇنەمى تاپ-تازا. ەركىنقالا، جۇمىسكەر، گەولوگ، اتىراۋ شاعىن اۋدانى قوقىسقا كومىلىپ جاتىر. الەۋمەتتىك جەلى، مەسسەندجەرلەر ارقىلى تىكەلەي حالىقپەن جۇمىس ىستەڭىزدەر»، - دەپ تاپسىردى باعىنىستى قىزمەتكەرلەرگە وبلىس اكىمى.
