ورتالىق ازيا مەن رەسەي اۋماعىندا «ورمان باق» ءبىرىڭعاي اقپاراتتىق جۇيەسى قۇرىلماق
«اقتەرەك КZ» ج ش س جوبانى جەكە تۇلعالارعا، كاسىپكەرلەرگە، ورمان جانە باق شارۋاشىلىعى ماماندارى مەن جەرگىلىكتى اتقارۋشى ورگاندارعا ارناپ ازىرلەپ وتىر. وندا ورمان جانە باق مادەنيەتى، ق ر ورمان كودەكسىنىڭ قۇجاتتارى مەن نورماتيۆتىك اكتىلەرى جانە باسقا دا ارنايى مامانداندىرىلعان نورماتيۆتى-قۇقىقتىق اكتىلەر بويىنشا دەرەكتەر بازاسى ورنالاستىرىلاتىن بولادى.
سونىمەن بىرگە اقپاراتتىق جۇيەدە بيزنەس-جوسپاردى قۇرۋ، قارجىلىق-ەكونوميكالىق كورسەتكىشتەردى ەسەپتەۋ فۋنكتسيالارى دا قاراستىرىلعان. بۇل جەمىس باعى جوباسىن جاساۋعا، ورماندى كەسىلگەن اعاش ماتەريالدارىن دايىنداۋعا ازىرلەۋگە جانە ت. ب. مۇمكىندىك بەرەدى. ونىمەن قوسا، اقپاراتتىق جۇيەدە ورمان جانە باق مادەنيەتتەرىن كوگالداندىرۋ بويىنشا، ورمان جانە باق شارۋاشىلىقتارىنا مەملەكەتتىك سۋبسيديالار بويىنشا شىعىنداردىڭ نەگىزدىلىگىنە ساراپتاما جۇرگىزۋگە بولادى.
«ورمان باق» پورتالى ونلاين-فورۋم اياسىندا ءتۇرلى سالا ماماندارىن ءبىر ديالوگ الاڭىنا جيناپ، ورتالىق ازيا مەن رەسەي ورمان ءتالىمباعى ماماندارىنىڭ باسىن قوسپاق.
