ماتايەۆتار ءىسى: كۋاگەرلەر ۇلتتىق باسپا ءسوز كلۋبىنىڭ استىرتىن ارەكەتتەرىن ايتتى

استانا. قازاقپارات - استانادا سەيىتقازى جانە اسەت ماتايەۆتاردىڭ ءىسى بويىنشا كۋاگەرلەردەن جاۋاپ الۋ جالعاسۋدا.

بۇگىن سوتتا «قازاق تەلەكوم» ا ق جارناما ماتەريالدارىن ورنالاستىرۋمەن اينالىسقان باسپا ب ا ق وكىلدەرى تىڭدالدى.

تەرگەۋدە سەيىتقازى ماتايەۆ جەكە بەدەلىن پايدالانىپ «قازاق تەلەكوم» ا ق- نىڭ ستراتەگيالىق باسقارۋ بويىنشا باس ديرەكتورى باتىر ماحانبەتاجيەۆكە وعان كومپانيانىڭ تەندەردى ۇتۋىنا جاردەمدەسۋ وتىنىشىمەن جۇگىنگەنى انىقتالدى. سەيتقازى ماتايەۆتىڭ باقىلاۋىنداعى «ۇلتتىق باسپا ءسوز كلۋبى» جارناما ماتەريالدارىن ورنالاستىرۋدا گازەت پەن كومپانيا اراسىنداعى دەلدال رەتىندە شىعۋى ءتيىس.

بۇدان بۇرىن باتىر ماحانبەتاجيەۆتىڭ ايعاعىندا ساتىپ الۋ قاعيداسى بويىنشا قوسالقى مەردىگەرگە بەرۋدى ازايتۋ قاجەتتىگىن ناقتىلاعان، الايدا سەيىتقازى ماتايەۆتىڭ ۇسىنىسىمەن كەلىسكەن. ول ءوز قىزمەتكەرلەرىنە وعان بارلىعى تەندەرلىك قۇجاتقا سايكەس كەلەتىندەي ءوتىنىم جاساۋعا جاردەمدەسۋلەرىن تاپسىردى. «قازاق تەلەكوم» ا ق- دان س. ماتايەۆ 143 ميلليون تەڭگە جىمقىردى.

وسى ەپيزود بويىنشا كۋاگەر رەتىندە «ەكسپەرت كازاحستان» ج ش س جارناما ءبولىمىنىڭ مەنەدجەرى سۆەتلانا سەمەنوۆا شاقىرتىلدى. ول ۇلتتىق باسپا ءسوز كلۋبى «ەكسپەرت كازاحستان» جۋرنالىنا جارنامالىق ماتەريالدار ورنالاستىرۋعا قاتىسپاعانىن، بارلىق جۇمىس «قازاق تەلەكوم» ا ق- مەن جۇرگىزىلگەنىن ءمالىم ەتتى.

«قازاق تەلەكوم» ا ق- مەن مەن تىكەلەي جۇمىس ىستەدىم. ۇلتتىق باسپا ءسوز كلۋبىمەن جۇمىس ىستەگەن جوقپىن. ول جەرگە تەك دايىن قۇجاتتاردى، شوت-فاكتۋرا، ورىندالعان جۇمىس اكتىلەرىن جىبەردىم»، - دەدى كۋاگەر.

سۆەتلانا سەمەنوۆانىڭ ايتۋىنشا، «قازاق تەلەكوم» ا ق قىزمەتى تۋرالى ماتەريالداردى جۋرنالعا ورنالاستىرعاننان كەيىن بۋحگالتەرياعا جارناما بەرۋشى، كولەمى مەن شىعارۋ قۇنى كورسەتىلگەن ءتىزىلىم بەرگەن. اتالمىش شوت-فاكتۋرا بويىنشا جەتكىزۋشى - «ۇ ب ك» تۋرالى مالىمەت «قازاق تەلەكوم» ا ق جۇرتشىلىقپەن بايلانىس قىزمەتىنىڭ قىزمەتكەرلەرىنەن الىندى.

كۋاگەردىڭ ايعاقتارىنا سايكەس ۇ ب ك تەندەر وتكىزگەنگە دەيىن جەتكىزۋشى رەتىندە ايقىندالعانى بەلگىلى بولدى.

«الاش ايناسى» گازەتىنىڭ ديرەكتورى الەكساندر ان «قازاق تەلەكوم» ماتەريالدارىن ج ش س قىزمەتكەرلەرى، ال ۇ ب ك اتىنا شوت-فاكتۋرا تەندەر وتكىزگەنگە جانە «قازاق تەلەكوم» ا ق- مەن شارت جاساسقانعا دەيىن جىبەرىلگەندىگىن. بۇدان باسقا، تەرگەۋ سەيىتقازى ماتايەۆ جارناما ماتەريالدارىن ورنالاستىرۋ بويىنشا كورسەتىلگەن قىزمەتتەر قۇنىن كوتەرگەنى انىقتالدى. ال ايىرما اقشانى قولدى ەتىپ، ءوز قاجەتىنە جۇمساعان.