اتامقۇلوۆ: باستى ماقسات - تۇرعىنداردى جۇمىسپەن قامتۋ

استانا. قازاقپارات - مەملەكەت باسشىسى تاپسىرمالارىنىڭ ورىندالۋ بارىسىنا ارنالعان سەلەكتورلىق ماجىلىستە وبلىس اكىمى اۋداندار مەن قالالاردا كاسىپكەرلىك پەن كووپەراتسيالاردى جاپپاي دامىتۋ ماسەلەسىنە ەرەكشە توقتالدى.

وسىعان وراي، «جۇمىسپەن قامتۋدىڭ جول كارتاسى» اياسىندا وڭتۇستىك قازاقستان وبلىسىندا «اۋىل تۇرعىندارىن جۇمىسپەن قامتۋ» جوباسى قولعا الىنىپ وتىر، دەپ حابارلادى ءوڭىر باسشىسىنىڭ باسپا ءسوز قىزمەتى.

«مەملەكەت باسشىسى ۇكىمەتكە وبلىس اكىمدەرىمەن بىرلەسە ەلدى مەكەندەردە كووپەراتيۆتەر جەلىسىن ۇلعايتۋدى تاپسىرىپ وتىر. بۇل ءوز كەزەگىندە ىشكى نارىقتى جەرگىلىكتى اۋىلشارۋاشىلىق ونىمدەرىمەن قامتىپ، قايتا وڭدەۋ كاسىپورىندارىنىڭ جەلىسىن ۇلعايتپاق. بۇل جۇمىستاردى ماقتارال، قازىعۇرت، ورداباسى، تولەبي، سارىاعاش اۋداندارىندا بەلسەندى اتقارۋدى تاپسىرامىن»، - دەدى ءوڭىر باسشىسى.

سونىمەن قاتار، كورشى وبلىستاردا ءسۇت ونىمدەرىنە دەگەن سۇرانىستىڭ جوعارى ەكەنىن ايتقان وبلىس اكىمى اتالعان وڭىرلەرمەن ارىپتەستىك بايلانىس ورناتۋدى جۇكتەدى.

ءماجىلىستى قورىتىندىلاعان ب. اتامقۇلوۆ العا قويعان مىندەتتەردىڭ بارلىعى تۇرعىنداردى جۇمىسپەن قامتۋ ەكەندىگىن قاداپ ايتتى.