دالادان «بالا تاۋىپ الدىم» دەپ ايعايلاعان ايەلدىڭ ماسقاراسى شىقتى

استانا. قازاقپارات - تەمىرتاۋدا ءسابيدى پودەزدە تاۋىپ الدىم دەپ جار سالعان ايەل جالعان اقپارات بەرگەن بوپ شىقتى. شىن مانىندە ول بىرگە اراق ىشكەن قۇربىسىنىڭ بالاسىن ۇيىنە اكەتكەن ەكەن.

ەندى نارەستەنى قولدان قولعا وتكىزگەن ەكەۋى دە، قىلمىستىق جاۋاپقا تارتىلماق دەپ حابارلايدى ك ت ك ارناسى.

ەلدى دۇرلىكتىرگەن ازاماتشا سول كۇنى قۇربىسىنىڭ ۇيىندە قوناقتا بولىپ اششى سۋدان ابدەن سىلتەگەن. قىزعان كەزدە قۇربىسىنىڭ رۇقساتىمەن ونىڭ ەمشەكتەگى قىزىن قولتىعىنا قىسا كەتىپتى. ەرتەڭگىلىك ەسى جينالعان سوڭ بالا تاۋىپ الدىم دەپ شۋ شىعارعان. نارەستە اۋرۋحاناعا جەتكىزىلىپ، پوليتسيا ونىڭ اناسىن ىزدەپ تاپتى.

بويىنان اراقتىڭ ۋىتى تاراماعان شەشەسى بالانى قۇربىسى الىپ كەتكەنىن جەتكىزگەندە عانا ءبارى اشكەرە بولىپ وتىر. ءسابيدى بوتەلكەلەسىنە ۇستاتىپ جىبەرگەن انانىڭ قالعان 4 بالاسى دا بەيىمدەۋ ورتالىعىنا وتكىزىلەدى. ال ءوزى انالىق قۇقىعىنان ايىرىلۋى مۇمكىن. پوليتسيانى الداماق بولعان ايەل دە جاۋاپقا الىنىپ جاتىر.

 "بالانى الىپ كەتتىم" دەپ ايتسا وزىمەن بىرگە ىشكەن ادام جالا جابادى دەپ قورىققان عوي. جاۋاپكەرشىلىكتەن قۇتىلۋ ماقساتىندا وسىنداي وقيعا ويلاپ تاۋىپ، پوليتسيا قىزمەتكەرلەرىن اۋرە- سارساڭعا سالىپ وتىر"، - دەيدى قاراعاندى وبلىستىق ءى ءى د باسپا ءسوز حاتشىسى باقىتجان قۇدياروۆ.