الماتىدا «جەڭگەتايلىقپەن» اينالىسقان ەكس- پوليتسيا پولكوۆنيگى سوتتالدى

الماتى. قازاقپارات - الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا «جەڭگەتايلىقپەن» اينالىسقان پوليتسيانىڭ بۇرىنعى قىزمەتكەرىنە قاتىستى سوت ۇكىمى شىقتى. بۇل تۋرالى اتالعان سوتتىڭ باسپا ءسوز قىزمەتىنەن حابارلادى.

«سوتتا جاۋاپكەردىڭ پوليتسيا قىزمەتكەرى بولا تۇرا تانىسى مەن بىرگە ءىنىسىنىڭ جەكە ءۇيىن پايدالانىپ، جەزوكشەلىك قىزمەت ءتۇرىن ۇيىمداستىرعانى انىقتالدى. سونىمەن قاتار، ول تانىسىنا جىنىستىق قىزمەت كورسەتەتىن قىزداردى جەتكىزۋ ءۇشىن جەكە كولىك تاۋىپ بەرگەن» ، دەلىنگەن حابارلامادا.

 سوت ۇكىمىمەن جاۋاپكەر ق ر ق ك 235, 271-باپتارى بويىنشا ايىپتى دەپ تانىلىپ، 9  جىلعا باس بوستاندىعىنان ايىرۋ جازاسى تاعايىندالدى.