10:40, 15 - قىركۇيەك 2016 | GMT +5
قازاقستاندىق بويجەتكەن الەمدەگى ەڭ سۇلۋ ون ارۋدىڭ تىزىمىنە ەندى - فوتو
استانا. قازاقپارات - قازاقستاندىق زارينا زاگيدۋللينا "عالامشاردىڭ كەربەز ارۋى - 2016" تيتۋلىن يەلەنىپ، باتۋميدە وتكەن سۇلۋلىق بايقاۋىندا الەمنىڭ ەڭ سۇلۋ ون ارۋىنىڭ تىزىمىنە ەندى.
بۇل تۋرالى «ەكسپرەسس ك» باسىلىمىنا سىلتەمە جاساپ NUR. KZ پورتالى حابارلايدى.
بويجەتكەن گرۋزيادا وتكەن «عالامشار ارۋى-2016» بايقاۋىندا كوز سۇرىنەر كوركىمەن جۇرتتى وزىنە قاراتقان. تۇركىستاندا تۋعان بويجەتكەن مەكتەپتى قازاقستاندا بىتىرگەن. بۇگىندە قازاندا ءبىلىم الىپ، ءتۇرلى سۇلۋلىق بايقاۋلارىنا قاتىسىپ ءجۇر. باتۋميدەگى سۇلۋلىق بايقاۋىندا قازاقستاندىق بويجەتكەن ەڭ كەربەز ارۋ دەپ تانىلدى.
مەكتەپتى كىلەڭ بەستىككە وقىعان بويجەتكەن كوركىمەن عانا ەمەس، اقىلىمەن دە ماقتانا الادى. بۇگىندە ول رەسەيلىك ستيپەنديانىڭ قارجىسىنا ينستيتۋتتا "بانك ءىسى" ماماندىعى بويىنشا ءبىلىم الۋدا. 
