وتپەن وينايمىن دەپ
قۇرباندىققا ۇشىراعان راحمەتوۆ پەن قويشىعۇلوۆ دەگەن بىرەۋ باسىندا WhatsApp-تاعى گەيمەر چاتى ارقىلى ءبىر- بىرىمەن سويلەسەدى. راحمەتوۆ الەۋمەتتىك جەلىدە جۇرتتى ميتينگىگە شىعۋعا شاقىرادى. قويشىعۇلوۆ كوپشىلىكتى بۇلاي دۇرلىكتىرۋگە بولمايتىنىن ايتىپ، بۇعان قارسىلىق بىلدىرەدى. سوندا راحمەتوۆ ونى «قورقاق» دەپ ايىپتايدى. بۇل ولاردىڭ اراسىندا ۇرىس تۋىپ كەتۋىنە سەبەپ بولادى.
سودان كەيىن قارسىلاستار بەتپە- بەت كەزدەسۋگە كەلىسەدى. كەزدەسكەن جەردە ءبىراز داۋلاسقان بۇلاردىڭ اڭگىمەسىنىڭ ءتۇيىنىن قويشىعۇلوۆ: «ەگەر سەن شىنىندا باتىل بولساڭ، قىزىلوردانىڭ ورتالىق الاڭىنا بار دا، پوليتسەيلەرگە جانعىش بوتەلكەلەردى لاقتىر» دەپ قويادى. سوسىن مۇنى جاساي الماسا، راحمەتوۆتىڭ اكە- شەشەسىنىڭ ءۇيىن ورتەيتىنىن ايتىپ قورقىتادى. بۇعان راسىندا قورقىپ كەتكەن راحمەتوۆ سول جەردە: «مەنىڭ قارت اكە- شەشەمە تيىسپە، ودان دا مەنى ورتە» دەپ، ۇستىنە بەنزين قۇيىپ جىبەرەدى.
ال قويشىعۇلوۆىڭ «ءمارت» ەكەن، وسى ءسوز «دۇشپانىنىڭ» اۋزىنان شىققان بويدا قولىنا كۇكىرت الىپ، تارتىپ كەپ قالادى...
العان اۋىر جاراقاتى سالدارىنان راحمەتوۆ اۋرۋحانادا ءجانتاسىلىم ەتەدى.
قىزىلوردا وبلىستىق قىلمىستىق ىستەر جونىندەگى اۋدانارالىق سوتى قويشىعۇلوۆقا 17 -جىل ايرىقشا رەجىمدەگى تۇرمەدە وتىرۋ جازاسىن كەستى. ۇكىم ءالى كۇشىنە ەنگەن جوق.
مۇرات ايتقوجا
«ەگەمەن قازاقستان»
