08:40, 15 - قىركۇيەك 2016 | GMT +5
قازاقستاندا «اناعا اپارار جول» اتتى جاڭا فيلم جارىق كوردى
استانا. قازاقپارات - رەجيسسەر اقان ساتايەۆتىڭ «اناعا اپارار جول» فيلمى 29 -قىركۇيەكتە ۇلكەن پروكاتقا شىعادى.
بۇل تۋرالى رەجيسسەردىڭ ءوزى الەۋمەتتىك جەلىلەردە كارتينانىڭ ترەيلەرىن جاريالاپ، Instagram-دا حابارلادى. فيلمدى جاساۋشىلاردىڭ ايتۋىنشا، «اناعا اپارار جول» كوپتەگەن ءومىر سىناقتارىنان وتكەن ادامنىڭ تاعدىرى تۋرالى اڭگىمەلەيدى. بارلىق قيىندىقتاردى جەڭۋگە وعان انا ماحابباتى كۇش بەرەدى. كەيىپكەردىڭ ءومىر جولى ارقىلى كارتينادا قازاق حالقىنىڭ تاريحي كەزەڭدەرى كورسەتىلگەن.
فيلمنىڭ ءتۇسىرىلىمى قازاقستاندا، ازەربايجاندا جانە بەلارۋستا ءوتتى. باستى رولدەردى التىناي نوگەربەك، ءادىل احمەتوۆ، ارۋجان جازىلبەكوۆا جانە ەركەبۇلان دايىروۆ سومدادى.
«اناعا اپارار جول» تاريحي دراماسى ق ر مادەنيەت جانە سپورت مينيسترلىگىنىڭ تاپسىرىسىمەن تۇسىرىلگەن، باس پروديۋسەرى - ءاليا نازاربايەۆا.
#дорогакматери
