بىرنەشە ادام لاڭكەس دەگەن كۇدىكپەن قاماۋعا الىندى
ەكى اي بۇرىن گەرمانيانىڭ ارنايى قىزمەتى تەررورلىق توپتىڭ مۇشەسى بولۋى مۇمكىن دەگەن كۇدىكپەن بىرنەشە ادامنىڭ ىزىنە تۇسكەن بولاتىن. سودان بەرى ولاردىڭ ارەكەتتەرىن دالەلدەۋ ءۇشىن ايعاقتار جينالدى.
سيريالىق ءۇش بوسقىن ارنايى وپەراتسيا بارىسىندا قۇرىقتالدى. جەدەل شاراعا ارنايى قىزمەتتىڭ 200 جاساعى مەن پوليتسيا قىزمەتكەرلەرى قاتىستى. گەرمانيا ىشكى ىستەر ءمينيسترىنىڭ ايتۋىنشا، كۇدىكتىلەر ۇيىمداستىرعان شابۋىلدار كەزىندە 130 ادام قازا تاپقان. سونىمەن قاتار، پاريجدە تەراكتى جاساعان توپپەن دە بايلانىستا بولىپتى. قولعا تۇسكەن سيريالىق ازاماتتار تگيل سودىرلارىنىڭ ساپىندا ارنايى دايىندىقتان ءوتىپ، قارۋ- جاراق پەن جارىلعىشتى قولدانۋ تاسىلدەرىن جاقسى مەڭگەرگەن. ولار ءبىر جىل بۇرىن گەرمانياعا جالعان قۇجاتتىڭ كۇشىمەن جەتىپتى.
- فەدەرالدى قىلمىستىق پوليتسيانىڭ تەرگەۋ ماتەريالدارىنا جۇگىنسەك، كۇدىكتىلەردىڭ 2015 -جىلى پاريجدە تەرروريستىك ارەكەت جاساعان قىلمىسكەرلەرمەن بايلانىستا بولعانى انىقتالدى. ۇشەۋى دە گەرمانياعا بوسقىن رەتىندە كەلگەن. ازىرگە ولاردىڭ لاڭكەستىك ارەكەتتى دايىنداعاندارى تۋرالى ەشبىر اقپارات جوق. الايدا، ءبىزدىڭ ويىمىزشا ولار گەرمانياعا دايش تاپسىرماسىمەن كەلگەن. گەرمانياعا ارنايى جىبەرىلىپ، ءارى قاراي ارەكەت ەتۋ نۇسقاۋلىقتارىن كۇتتى دەگەن بولجام بار، دەدى گ ف ر ىشكى ىستەر ءمينيسترى توماس دە مەزەر.
