گولوۆكيننىڭ سوڭعى جەكپە-جەگى «قازاقستان» ارناسىنا جىلدىق رەيتينگ اكەلگەن
بۇل تۋرالى بۇگىن «قازاقستان» ر ت ر ك» ا ق باسقارما ءتورايىمى نۇرجان مۇحامەدجان قىزى ءمالىم ەتتى.
«11- قىركۇيەك كۇنى تاڭعا جاقىن باستالعان قازاقستاندىق بوكسشى گەننادي گولوۆكين مەن بريتاندىق كەلل برۋك اراسىنداعى جەكپە-جەك «قازاقستان» تەلەارناسى ءۇشىن 2016-جىلدىڭ ەڭ رەيتينگتى ترانسلياتسياسىنا اينالدى»، - دەيدى ن. مۇحامەدجان قىزى.
ايتا كەتەيىك، وسى جىلدىڭ ەڭ قىزىق جەكپە-جەكتەرىنىڭ ءبىرى - گولوۆكين مەن برۋك اراسىنداعى جەكپە-جەك 11- قىركۇيەك كۇنى ساعات 03:30 دا باستالىپ، گولوۆكيننىڭ جەڭىسىمەن اياقتالعان بولاتىن. وسىلايشا، گەننادي گولوۆكين IBO تيتۋلىن 14- رەت، IBF تيتۋلىن ەكىنشى رەت، WBC تيتۋلىن العاش رەت قورعادى. بۇل جەكپە-جەگىندەگى جەڭىسى ءۇشىن گولوۆكين 3 ميلليون فۋنت نەمەسە 4 ميلليون دوللار گونورار الدى.
ال، ن. مۇحامەدجانوۆانىڭ ايتۋىنشا، 6-22- تامىز ارالىعىندا «قازاقستان» جانە «قازسپورت» تەلەارنالارى 218 ترانسلياتسيا جۇرگىزگەن ەكەن. ترانسلياتسيالاردىڭ جالپى حرونومەتراجى 432 ساعاتتى قۇراعان.
اۆتور: كەنجەكەي توقتامۇرات قىزى
