يندونەزيا الكوگولسىز ەل بولۋعا ازىرلەنىپ جاتىر
يندونەزيا حالقىنىڭ 88 پايىزدان استامى يسلام ءدىنىن ۇستانادى. ياعني، الەمدەگى ەڭ ءىرى مۇسىلمان مەملەكەتىنە جاتادى. تۋريستەردەن قازىرگى ۋاقىتتا قوعامدىق ورىنداردا سابىرلى بولۋدى نەمەسە اشىق-شاشىق كيىنبەۋدى سۇراۋدا. تاياۋدا وعان تاعى ءبىر قاعيدا قوسىلماق: ۇكىمەت ەل اۋماعىندا الكوگول وندىرۋگە، ساقتاۋعا، ساتۋعا جانە تۇتىنۋعا تىيىم سالۋدى كوزدەپ وتىر.
تىيىم ەلدىڭ تۋريستىك سەكتورىن دا قامتىماق. ەلدىڭ ءبىرقاتار وبلىستارىنىڭ، ءبىرىنشى كەزەكتە بالي كۋرورتتىق ارالىنىڭ ەكونوميكاسى تىكەلەي تۋريزمگە تاۋەلدى.
بۇعان تۋريستەر نارازىلىق بىلدىرۋدە. جۋرناليستەر جۇرگىزگەن ساۋالناما ناتيجەسى دەمالىس كەزىندە ىشىمدىك ءىشۋ مۇمكىندىگىنىڭ بولماۋى يندونەزياعا دەگەن تۋريستەردىڭ قىزىعۋشىلىعىن جوعالتادى، ولار بۇعان رۇقسات بەرەتىن وزگە كۋرورتتاردا دەمالۋعا باراتىنىن كورسەتتى، دەپ حابارلايدى nat-geo.ru.
