نىعماتۋلين مەن شەتەلدىك ساراپشىلار بيۋدجەت پروتسەسىنىڭ اشىقتىعىن تالقىلادى
ءماجىلىس سپيكەرى اتاپ وتكەندەي، اتالعان ۇيىم بۇكىل الەمدە بيۋدجەت اشىقتىعى مەن باقىلاۋدى قامتاماسىز ەتۋگە ولشەۋسىز ۇلەس قوسىپ كەلەدى. ن. نىعماتۋلين ۇيىمنىڭ وسى سالاداعى زەرتتەۋلەرىنىڭ شىنايى ءارى تاۋەلسىز ەكەنىن العا تارتا كەلىپ، بارلىق بيۋدجەتتىك باعدارلامالاردى قارايتىن پارلامەنت ءۇشىن بيۋدجەتتىڭ اشىقتىعى مەن باقىلاۋ تيىمدىلىگىن ارتتىراتىن ۇسىنىمداردى زەردەلەۋدىڭ ماڭىزدىلىعى زور ەكەنىن ايتتى.
«التىنشى سايلانعان پارلامەنتتىڭ ەكىنشى سەسسياسىنىڭ اشىلۋىندا ەلباسى نۇرسۇلتان نازاربايەۆ ۇكىمەت پەن پارلامەنتتىڭ الدىنا بيۋدجەت قارجىلارىن يگەرۋدە قاتاڭ باقىلاۋ مەن زاڭ شىعارماشىلىق قىزمەتىنىڭ بارىنشا اشىقتىعىن قامتاماسىز ەتۋدى تاپسىردى. قازىرگى ۋاقىتتا ماجىلىستە زاڭ جوبالارىن قاراۋدىڭ مۇلدەم جاڭا ءتارتىبى ەنگىزىلدى»، - دەدى نىعماتۋلين.
ودان ءارى پالاتا ءتوراعاسى ءماجىلىس قاراۋىنا تۇسكەن ەلىمىزدىڭ نەگىزگى قارجىلىق قۇجاتتارى جايىندا باياندادى.
بيىل تاۋەلسىزدىكتىڭ 25 جىلدىعىن قارسى العالى وتىرعان قازاقستاننىڭ ەكونوميكالىق جەتىستىكتەرىن دە نازاردان تىس قالدىرمادى.
ءوز كەزەگىندە مەيمان ءبىزدىڭ مەملەكەتىمىزدىڭ دامۋ قارقىنىنا ەرەكشە كوڭىل ءبولىپ، پارلامەنت جۇمىسىنىڭ اشىقتىعىن قامتاماسىز ەتۋ شارالارىنا جوعارى باعا بەردى.
ن. نىعماتۋلين كلەر شۋتەنگە مازمۇندى كەزدەسۋ ءۇشىن العىسىن ءبىلدىرىپ، الداعى بىرلەسكەن جۇمىس قازاقستان بيۋدجەتىنىڭ تيىمدىلىگى مەن ۇتىمدىلىعىن بۇرىنعىدان ارتتىرا تۇسەتىنىنە سەنىم ءبىلدىردى.
