19:37, 14 - قىركۇيەك 2016 | GMT +5
ەل اۋماعىندا تاياۋداعى ءۇش تاۋلىك جاڭبىرلى بولۋى ىقتيمال
استانا. قازاقپارات - سينوپتيكتەر قازاقستاندا 15-17- قىركۇيەك ارالىعىندا جاڭبىر جاۋىپ، كۇن جىلى بولاتىندىعىن ءمالىم ەتتى.
«رەسپۋبليكامىزدىڭ باسىم بولىگىندەگى اۋا رايى بارىسى، ەكاتەرينبۋرگ ماڭىندا ورنالاسقان تسيكلونعا بايلانىستى بولادى. سوندىقتان ەل اۋماعىنىڭ باسىم بولىگىندە نايزاعايلى وتكىنشى جاڭبىر جانە جەل كۇتىلەدى، ءبىراق كۇن ءبىرقالىپتى جىلى بولادى، دەلىنگەن قازگيدرومەتتىڭ حابارلاماسىندا.
اتاپ وتىلگەندەي، ەلدىڭ وڭتۇستىگىندە نايزاعايلى، وتكىنشى جاڭبىرعا قاراماستان جازعى كۇندەي جىلى بولىپ قالا بەرەدى. تەك شىعىس ءوڭىر، جوعارى اتموسفەرالىق قىسىم اسەرىندە بولادى. بۇل جەرلەردە اشىق، جىلى اۋا رايى كۇتىلەدى.
